Вежа Эўрыка

Вежа Эўрыка (па-ангельску: Eureka Tower) — самы высокі небасяг Мэльбурну і адзін з самых высокіх на аўстралійскім кантынэнце (на другім месцы пасьля Q1 Tower). Вышыня збудаваньня 297 мэтраў (91 паверх і 1 падземны). Будаўніцтва аб’екта распачалося ў жніўні 2002 году і скончылася 1 чэрвеня 2006 году. Афіцыйнае адкрыцьцё гмаха адбылося 11 кастрычніка 2006 году. Праект будынка быў распрацаваны мэльбурнскім архітэктурным агенцтвам «Fender Katsalidis Australia», будаўніцтва ж вялося аўстралійскай кампаніяй «Grollo Australia». На 84 паверсе будынка знаходзіцца пляцоўка для агляду. Eureka Tower зьяўляецца найвышэйшым жылым будынкам у сьвеце, калі лічыць колькасьць паверхаў, аднак, калі ўлічваць шпіль будынка, то самым высокім жылым домам зьяўляецца іншая аўстралійская вежа Q1 Tower.

Вежа Эўрыка
Eureka Tower
Тып	жылы будынак
Месцазнаходжаньне	Аўстралія, Мэльбурн
Уладальнік	Grocon
Пачатак будаўніцтва	2002
Сканчэньне будаўніцтва	2006
Дах	297 м
Колькасьць паверхаў	91+1 падземны
Колькасьць ліфтаў	13
Архітэктар	Фэндэр Катсалідыс
Інжынэр-будаўнік	Eureka Tower Pty Ltd
Каардынаты	37°49′18″ пд. ш. 144°57′52″ у. д.
Вежа Эўрыка на мапе Аўстраліі Вежа Эўрыка

Глядзіце таксама

• Сьпіс самых высокіх будынкаў Аўстраліі

Вонкавыя спасылкі

Вежа Эўрыка — сховішча мультымэдыйных матэрыялаў