Вандэм’ер
Вандэм’е́р (па-француску: vendémiaire, паводле лац. vindemia — збор вінаграду) — 1-ы месяц (22/23 верасьня — 21/22 кастрычніка) францускага рэспубліканскага календару, які дзейнічаў з кастрычніка 1793 па 1 студзеня 1806.
Як і ўсе месяцы францускага рэспубліканскага календару, складаўся з 30 дзён, якія падзяляліся на 3 дэкады. Кожны дзень меў назву сельскагаспадарчай расьліны, акрамя пятага ды дзясятага дзён, якія мелі назву свойскай жывёлы і сельскагаспадарчае прылады адпаведна.