Бітва пры Лё-Като

Бі́тва пры Лё-Като́ (26—27 жніўня 1914 году) — бітва на Заходнім фронце Першай сусьветнай вайны, частка Вялікага адыходу войскаў Антанты.

Бітва пры Лё-Като
Першая сусьветная вайна
Брытанцы, якія загінулі ў бітве пры Лё-Като
Дата: 26—27 жніўня 1914 Месца: 50°06′15″ пн. ш. 03°32′40″ у. д. Лё-Като-Камбрэзі, Францыя Вынік: Адыход саюзьнікаў
Супернікі
Вялікабрытанія  Францыя  Бэльгія	Нямеччына
Камандуючыя
Сьміт-Дорыен	Аляксандр фон Клюк, Карл фон Бюлаў
Колькасьць
невядома	невядома
Страты
7812 чалавек (уключна каля 2600 патрапіўшых у палон) 38 гармат	невядома

Брытанскі экспэдыцыйны корпус адыходзіў пасьля бітвы пры Монсе, спрабуючы замацавацца на новых рубяжах. 1-я нямецкая армія генэрала фон Клюка абышла другі корпус брытанскай арміі пад камандаваньнем генэрала Сьміт-Дорыена. Адрэзаныя ад асноўных сілаў саюзьнікаў ракою Ўаза, брытанцы вымушаны былі прыняць бой. На працягу дня немцы прыціскалі іх на флянгах. Аднак спроба фон Клюка атачыць ангельцаў з захаду правалілася: нямецкія корпусы, дасланыя для абходнага манэўру былі сустрэты францускай кавалерыяй, якую загадзя даслалі каб патрымаць брытанцаў. Пад прыкрыцьцем ночы брытанцы адышлі да Сэн-Кантэну, адарваўшыся ад нямецкіх войскаў.

Літаратура

• Барбара Такман. Першы бліцкрыг. Жнівень 1914 = The Guns of August. — Масква: АСТ, 1999. — 640 с — 5000 ас. — ISBN 5-7921-0245-7.  (рас.)

Вонкавыя спасылкі

• Апісаньне бітвы на сайце FirstWorldWar.com (анг.)
• Апісаньне бітвы на чайце 1914—1918.net  (анг.)
• Апісаньне бітвы на чайце historyofwar.org  (анг.)