Бэцкаўскі замак

Славутасьць
Бэцкаўскі замак Beckovský hrad
Агульны выгляд замку
Краіна	Славаччына
Вёска	Бэцкаў
Каардынаты	48°47′27″ пн. ш. 17°53′53″ у. д.
Дата заснаваньня	XII стагодзьдзе
Статус	ахоўваецца дзяржавай
Сайт	Афіцыйны сайт
Бэцкаўскі замак на мапе Славаччыны Бэцкаўскі замак
Бэцкаўскі замак на Вікісховішчы

Бэцкаўскі замак (па-славацку: Beckovský hrad) — рэшткі сярэднявечнага замку ў вёсцы Бэцкаў ля Новага-Мэста-над-Вагам. Аб’ект занесены ў сьпіс нацыянальных славутасьцяў Славаччыны(sk).

Мінуўшчына

Замак упершыню згаданы ў Ананімнай хроніцы XII стагодзьдзя, што пацьверджана й археалягічнымі раскопкамі.

У XIII стагодзьдзі на скале над Вагам на граніцы Трэнчанскай і Нітранскай жупаў паўстаў каменны замак з ахоўным мурам. За Матушам Чакам Трэнчанскім Бэцкаў апынуўся ў ягоным валоданьні. У другой палове XIV стагодзьдзя замкам валодалі Сьцібараўцы з Польшчы, якія ў той час былі адным з найзамошнейшых родаў Вугоршчыны. Пасьля іх замак перайшоў пад каралеўскую ўладу, пад якой ён дасягнуў свайго найбольшага размаху.

На пераломе XIV—XV стагодзьдзяў пачалася перабудова замку, падчас якой былі збудаваныя вежы і гатычны палац з рыцарскай заляй і капліцаю. У сярэдзіне XVI стагодзьдзя замак умацаваны дзеля асманскай пагрозы: у ніжнім ярусе замку паставілі гарматную вежу і ўзвысілі акольны мур. У гэты час замак ужо належаў роду Банфі. Пасьля іхняга згасаньня ў 1646 року маёнткі былі падзеленыя між пераемнікамі. Новыя ўласьнікі не клапаціліся лёсам замку, які пачаў паступова разбурацца. У 1727 року адбыўся пажар, які зьнішчыў большасьць пабудоваў, і з тае пары замак быў закінуты.

Галерэя

• 
  Замак Бэцкаў
• 
  Замак Бэцкаў
• 
  Замак Бэцкаў
• 
  Замак Бэцкаў
• 
  Замак Бэцкаў
• 
  Замак Бэцкаў
• 
  Гістарычныя гульні ў замку
• 
  Верхняя пляцоўка з капліцай
• 
  Ніжняя частка — гарматная вежа, рэплікі абложных машын, ззаду апсіда замкавай капліцы
• 
  Панарама ніжняга пляцу, над ім на скале рэшткі данжону

Вонкавыя спасылкі

Бэцкаўскі замак — сховішча мультымэдыйных матэрыялаў