Бэнэдыкт Генрык Тышкевіч
Бэнэдыкт Генрык Тышкевіч (11 сьнежня 1852, Немеж — 13 траўня 1935, Мэнтона) — беларускі фатограф. Адзін з пачынальнікаў мастацкай фатаграфіі ў Беларусі.
 | |
 Герб «Ляліва» | |
| Асабістыя зьвесткі | |
|---|---|
| Нарадзіўся | 11 сьнежня 1852 Немеж, Віленскі павет, Віленская губэрня, Расейская імпэрыя |
| Памёр | 13 траўня 1935 (82 гады) Мэнтона, Францыя |
| Пахаваны | |
| Род | Тышкевічы |
| Бацькі | Міхал Тышкевіч, Марыя з Тышкевічаў Тышкевіч |
| Жонка | Клара Эльжбэта Бэнкрафт |
| Дзеці | Бэнэдыкт Ян, Эдвард, Эльжбэта |
| Дзейнасьць | фатограф |
Біяграфія
рэдагавацьПа сьмерці бацькоў, з 8-гадовага ўзросту, Бэнэдыкта выхоўваў дзед — Бэнэдыкт Тышкевіч (1801—1866).
У 1874 годзе ў Бостане Бэнэдыкт ажаніўся з Кларай Эльжбэтай Бэнкрафт. У 1876 годзе Тышкевіч на ўласнай яхце «Жамайтыя» выправіўся ў Філадэлфію на прамысловую выставу, дзе прэзэнтаваў свае фатапрацы, за якія быў уганараваны залатым мэдалём. Пазьней яго працы былі адзначаныя мэдалямі на выставах у Польшчы (1894) і Бэрліне (1899). Тышкевіч быў чальцом парыскага фатаклюбу.
У шлюбе меў трох дзяцей Бэнэдыкта Яна, Эдварда і Эльжбэту. Па сьмерці жонкі ў 1883 годзе пераехаў у паляўнічы маёнтак Тышкевічаў Вялае каля Івянцу. Зладзіў у маёнтку фоталябараторыю і павільён для здымак. Займаўся фатаграфаваньнем побыту беларускіх сялянаў.
У Другую сусьветную вайну маёнтак Вялае быў разрабаваны і большая частка здымкаў была зьнішчаная. У 1993 годзе супрацоўнікі музэю Нісэфора Ньепса ў Шалён-сюр-Сон набылі ў парыскага антыквара ацалелы альбом са здымкамі Тышкевіча[1].
Апошнія гады жыцьця Бэнэдыкт Тышкевіч правёў на Лазурным берагу Францыі, дзе і памёр у 1935 годзе ва ўзросьце 82 гадоў.
У 2009 годзе ў Нацыянальным музэі гісторыі і культуры ў Менску адбылася выстава фатаздымкаў Бэнэдыкта Тышкевіча[2].
- Тышкевічы
-
Аўтапартрэт у Вялым -
Сям’я Тышкевічаў -
Сын Бэнэдыкт Ян -
Дачка Эльжбэта
- Сялянскі побыт у Вялым
-
-
-
-
.jpg)
.jpg)
.jpg)
.jpg)
Крыніцы
рэдагавацьВонкавыя спасылкі
рэдагаваць
Бэнэдыкт Генрык Тышкевіч — сховішча мультымэдыйных матэрыялаў