Бокэн

Бокэн (па-японску: 木剣^?) або бокуто (па-японску: 木刀^?) — драўляны макет японскага мяча, што ўжываецца ў разнастайных японскіх баявых мастацтвах, у тым ліку айкідо, для трэнаваньняў^[1].

Апісаньне

Бокэны вырабляюцца з дуба, бука, граба і іншых шчыльных пародаў драўніны. Часта іх прамакаюць лакам, марылкаю або дрэўнаю смалою, для большае шчыльнасьці й вагі. Агульная даўжыня бокэна складае прыкладна 95-105 см. Даўжыня дзяржальні — каля 25—27 см, клінка — 76—78 см^[1].

Бокэн мае быць досыць моцным, каб вытрымліваць моцныя ўдары па чым-небудзь, а таксама адбіцьця нападу іншым бокэнам або дзё.

Ужываньне

Ґраматна нанесены ўдар можа прывесьці да сьмерці чалавека. Вялікі японскі фэхтавальнік Міямота Мусасі (1584—1645) часта карыстаўся бокэнам ў рэальных двубоях, у большасьці выпадкаў забіваючы сваіх супернікаў. Найбольш небясьпечны кончык вострага клінка пры нанясеньні сякучых удараў.

У Японіі да бокэнаў ставяцца зь вялікаю павагаю, практычна як да сапраўднае зброі. Пры правозе бокэна ў летаку пасажыр мусіць здаць яго ў баґаж. А нашэньне яго без адмысловага чахла самімі японцамі прыроўніваецца да нашэньня халоднае зброі^[1].

Бокэнам у цяперашні час узбройваюцца конные паліцыянты Лос-Анджэлесу [1][2].

Разнавіднасьці

Па плоцевай прыналежнасьці

Розныя варыянты бокэнаў

«мужчынскі» (па-японску: 男子木剣 дансі бокэн^?), адрозьніваецца адносна тлустаю дзяржальняю ды «лязом», праматою ды тлўстаю драўлянаю ґардаю (цубаю)^[2].
«жаночы» (па-японску: 女子木剣 дзёсі бокэн^?), найбольш часта ўжываны варыянт. Адрозьніваецца выгнутасьцю, лёгкасьцю. Часта выкарыстоўваецца з плястмасаваю ґардаю і з похвамі (напрыклад, у іайдо)^[2].
«трэнавальны» (па-японску: 素振木剣 субуры бокэн^?) або субурыто, адрозьніваецца патаўшчэньнем з боку ляза, такім чынам імітуючы балянсаваньне сапраўднага мяча^[2].

Ад школы (ру)

У Тэнсін Сёдэн Каторы Сінто-ру прынятае выкарыстаньне бокэна зь меншым выгібам, часам і зусім безь яго. Больш тлусты й цяжкі.
Бокэн, што ўжываецца ў Івама-ру, у адрозьненьне ад папярэдняга, мае больш хупавую форму і больш выяўлены выгін^[3].

Бокэн у Касіма Сін-ру, у адрозьненьне ад двух папярэдніх, мае найбліжэйшае па форме, балянсаваньні ды адчуваньнях пры працы падабенства з сапраўднаю катанаю.

Глядзіце таксама

Кэндо

Крыніцы

^ ^а ^б ^в Боккен (рас.). «Такемусу Айки НН». Праверана 2013-07-12 г.
^ ^а ^б ^в Оружие: Боккэн. История знаменитого меча самураев (рас.). aikihakama.ru. Праверана 2013-07-12 г. Архіўная копія ад 2013-07-15 г.
^ Особенности боккена Ивама-рю (рас.). «Такемусу Айки НН». Праверана 2013-07-12 г.

[ayki-1] а ^б ^в Боккен (рас.). «Такемусу Айки НН». Праверана 2013-07-12 г.

[aikihakama-2] а ^б ^в Оружие: Боккэн. История знаменитого меча самураев (рас.). aikihakama.ru. Праверана 2013-07-12 г. Архіўная копія ад 2013-07-15 г.

[3] Особенности боккена Ивама-рю (рас.). «Такемусу Айки НН». Праверана 2013-07-12 г.

[1]

[2]

[3]