Богдан Лобанц

Богдан Лобанц (па-румынску: Bogdan Lobonț; нарадзіўся 18 студзеня 1978 году, Хунэдаара, Румынія) — румынскі футбаліст, брамнік. У 1998—2013 гадах выступаў за нацыянальную зборную Румыніі.

Богдан Лобанц
Пэрсанальная інфармацыя
Нарадзіўся	18 студзеня 1978 (46 гадоў) Хунэдаара, Румынія
Рост	184 см
Вага	78 кг
Пазыцыя	брамнік
Клюбы
Гады	Клюб	Гульні (галы)¹
1995—1997 1997—2000 2000—2006 2001—2002 2006—2007 2007—2009 2009—2018	Корвінул Рапід Бухарэст Аякс → Дынама Бухарэст (арэнда) Фіярэнтына Дынама Бухарэст Рома	40 (0) 80 (0) 49 (0) 22 (0) 17 (0) 71 (0) 22 (0)
Зборныя
1998—2013	Румынія	85 (0)
Трэнэрскія клюбы
2024—4	Рапід Бухарэст

Кар’ера

Раньнія гады

Богдан пачаў кар’еру ў сваім родным горадзе Хунэдаара, выступаючы за клюб «Корвінул». У 1997 годзе Лобанц перайшоў у склад «Рапіда» Бухарэст, у якім выдатна выступаў. У 2000 годзе Лобанц перайшоў у нідэрляндзкі клюб «Аякс». Але неспрактыкаванасьць, а пазней і траўма не дазволілі Богдану стаць гульцом асноўнага складу, і на адзін сэзон ён быў аддадзены ў арэнду бухарэсцкаму «Дынама». Вярнуўшыся ў «Аякс», Лобанц пэрыядычна абараняў браму клюбу, добра зарэкамендаваўшы сябе ў матчах чэмпіянату Нідэрляндаў і Лізе чэмпіёнаў.

У студзені 2006 году Лобанц быў прададзены клюбу італьянскай Сэрыі А «Фіярэнтыне», які шукаў замену брамніку Сэбаст’ену Фрэю, які атрымаў траўму. Не зважаючы на тое, што Лобанц выдатна гуляў за клюб, па вяртаньні Фрэя Богдан стаў запасным гульцом.

Страціўшы месца ў нацыянальнай зборнай, Лобанц вырашыў пакінуць клюб і ў 2006 годзе вярнуўся на радзіму гуляць за «Дынама» Бухарэст, у якім да таго выступаў у арэндзе. Шмат у чым дзякуючы Богдану «Дынама» стала пераможцам чэмпіянату Румыніі й прайшло кваліфікацыю Лігі чэмпіёнаў.

«Рома»

31 жніўня 2009 году «Рома» выкупіла кантракт гульца ў «Дынама». Першае сваё зьяўленьне ў складзе рымскага клюбу Лобанц зьдзейсьніў 4 кастрычніка, калі выйшаў на зьмену ў матчы супраць «Напалі». У «Роме» Богдан не зьяўляецца асноўным брамнікам, а выходзіць толькі на матчыкалі асноўны брамнік ня можа згуляць. Гэтак у сэзоне 2011—2012 гадоў Лобанц 4 разы зьявіўся ў браме на матчах Сэрыі А, калі Стэкеленбург атрымаў траўму.

Міжнародная кар’ера

Лобанц зьяўляецца брамнікам зборнай Румыніі з 1998 году, згуляўшы за гэты час больш за 70 матчаў у складзе нацыянальнай каманды.

Дасягненьні

Клюбныя

«Рапід»:

• Чэмпіён Румыніі: 1999
• Уладальнік Кубка Румыніі: 1998
• Уладальнік Супэркубка Румыніі: 1999

«Дынама»:

• Чэмпіён Румыніі (2): 2002, 2007

«Аякс»:

• Чэмпіён Нідэрляндаў: 2004

Вонкавыя спасылкі

Богдан Лобанц — сховішча мультымэдыйных матэрыялаў

• Афіцыйны сайт
• Профіль на сайце RomanianSoccer.ro
• Статыстыка на сайце National Football Teams