Беларуская грамада ў Празе
Беларуская грамада ў Празе — беларуская грамадзкая арганізацыя, каардынацыйны орган беларускіх палітычных і грамадзкіх арганізацыяў у Чэхаславаччыне ў 1920—1925 гадох.
| Беларуская грамада ў Празе | |
| Дата ўтварэньня | 1920 |
|---|---|
| Дата спыненьня існаваньня | 1925 |
| Месцазнаходжаньне | Прага |
| Старшыня | Мікалай Вяршынін |
Гісторыя
рэдагаваць.jpg)
Утварылася ў сьнежні 1920 году ў Празе з ініцыятывы консула Беларускай Народнай Рэспублікі Мікалая Вяршыніна, які стаў старшынём арганізацыі. У кіраўніцтва таксама ўваходзілі Ян Станкевіч (віцэ-старшыня), Ігнат Дварчанін, Іван Ермачэнка, Міхась Каберац, Сяргей Бусел і інш.
Праводзіла лекцыі, рэфэраты і іншыя культурныя імпрэзы. 30 снежня 1924 году зладзіла юбілейную вечарыну, прысьвечаную 40-м угодкам з дня сьмерці Вінцэнта Дунін-Марцінкевіча.
Пры арганізацыі дзейнічала студэнцкая сэкцыя (больш за 100 студэнтаў-беларусаў вышэйшых школаў, старшыня Ян Станкевіч). У 1923 годзе з прычыны палітычных супярэчнасьцяў з студэнцкай сэкцыі вылучылася група прагрэсіўнага студэнцтва на чале зь Міхасём Каберацам[1].
Крыніцы
рэдагаваць- ^ Ляхоўскі Ў. Беларуская грамада ў Празе // ЭГБ. — Мн.: 2003 Т. 6. Кн. 2. С. 332.
Літаратура
рэдагаваць- Энцыклапедыя гісторыі Беларусі. У 6 т. / Беларус. Энцыкл.; Рэдкал.: Г. П. Пашкоў (гал. рэд.) і інш.; Маст. Э. Э. Жакевіч. — Мн.: БелЭн, 2003. — Т. 6. Кн. 2: Усвея — Яшын. — 616 с. — ISBN 985-11-0276-8