Беларускае грамадзкае аб’яднаньне татараў «Зікр уль-Кітаб»
Белару́скае грама́дзкае аб’ядна́ньне тата́раў «Зікр уль-Кіта́б» — добраахвотная грамадзкая арганізацыя. Заснаваная 23 чэрвеня 1991 году на ўстаноўчым зьезьдзе ў Іўі Гарадзенскай вобласьці пад назвай Белару́скае згуртава́ньне тата́раў-мусульма́наў «Аль-Кіта́б». У студзені 2001 году адбылася рэарганізацыя «Аль-Кітаба» ў Беларускае грамадзкае аб’яднаньне татараў «Зікр уль-Кітаб»[2].
| Беларускае грамадзкае аб’яднаньне татараў «Зікр уль-Кітаб | |
| Беларускае грамадскае аб’яднанне татар «Зікр уль-Кітаб» | |
| Дата ўтварэньня | 23 чэрвеня 1991 (33 гады таму) |
|---|---|
| Тып | грамадзкае аб’яднаньне |
| Штаб-кватэра | г. Менск, вул. Саламяная, 23, пакой 10[1] |
| Старшыня | Абу Бэкір Шабановіч |
| Колішняя назва | Беларускае згуртаваньне татараў-мусульманаў «Аль-Кітаб» |
Дзейнічае ў адпаведнасьці з існуючым заканадаўствам і прынятым Статутам. Асноўныя кірункі дзейнасьці: абуджэньне гістарычнай і патрыятычнай сьвядомасьці беларускіх татараў, вывучэньне грамадзянскай гісторыі й гісторыі ісламу, адраджэньне татарскіх традыцыяў, культуры, пісьменнасьці на аснове арабскае графікі. У 1991—2002 гадах выдаваўся квартальнік «Байрам» («Сьвята») на беларускай мове[3], таксама выдаваўся часопіс «Аль-Ислам» на расейскай мове.
Аб’яднаньне мае бібліятэку, відэатэку й фільматэку ў Менску. Школа выхаднога дня, дзе вывучаецца арабская мова, гісторыя й культура татараў, створаныя ў Менску, Сьмілавічах, Наваградку, Слоніме, Іўі, Ашмянах, Маладэчне[4].
Крыніцы
рэдагаваць- ^ Беларускае грамадскае аб'яднанне татар "Зікр уль-Кітаб". Партал грамадскіх аб’яднанняў Рэспублікі Беларусь. Праверана 2 лютага 2015 г.
- ^ Татары ў Беларусі. t-styl.info (14 траўня 2009). Праверана 2 лютага 2015 г. Архіўная копія ад 2 лютага 2015 г.
- ^ Байрам. Татары на зямлі Беларусі. Журнал Байрам. Праверана 2 лютага 2015 г.
- ^ Татары и башкиры в Республике Беларусь (рас.). allby.tv (17 чэрвеня 2013). Праверана 2 лютага 2015 г. Архіўная копія ад 2 лютага 2015 г.
Літаратура
рэдагаваць- Беларуская энцыклапедыя: У 18 т. / Рэдкал.: Г. П. Пашкоў і інш. — Мн.: БелЭн, 1996. — Т. 2: Аршыца — Беларусцы. — 480 с. — ISBN 985-11-0061-7 С. 396