Аўтаспын

Аўтаспы́н, аўтасто́п — форма вандраваньня сродкам бясплатнага перасоўваньня на любым спадарожным транспарце (з дазволу кіроўцы).

Віды аўтаспыну

Згодна з адной з клясіфікацыяў вызначаецца пяць відаў (радоў) аўтаспыну:

Аўтаспын нулявога роду — перасоўваньне на спадарожных матацыклах, роварах, фурманках, канях, рыкшах і іншых немэханічных транспартных сродках, альбо сродках з малым аб’ёмам рухавіка.
Аўтаспын першага роду (найбольш распаўсюджаны) — перасоўваньне на спадарожных легкавых і грузавых аўтамабілях, аўтобусах і іншых наземных нярэйкавых транспартных сродках.
Аўтаспын другога роду — перасоўваньне на спадарожным чыгуначным транспарце.
Аўтаспын трэцяга роду — перасоўваньне на спадарожных караблях, катэрах, паромах, чоўнах і іншых водных транспартных сродках.
Аўтаспын чацьвертага роду — перасоўваньне на спадарожных самалётах, шрубалётах, дырыжаблях і іншых паветраных транспартных сродках.

Аўтаспын пятага роду пакуль зьяўляецца фантастычным, пад ім разумеюць выкарыстоўваньне касьмічнага транспарту.

Аўтаспын у літаратуры

Пісьменьнік Джэк Кэруак прынёс аўтаспыну няўміручасьць сваёй кнігай «На дарозе» («On the Road»). Кніга Джона Стэйнбэка «Гронкі гневу» («The Grapes of Wrath») распачынаецца з апісаньня паездкі аўтаспынам. Раальд Даль напісаў апавяданьне за назовам «Аўтастопшчык» («The Hitchhiker»). Міжзорны аўтаспын (пятага роду) сюжэтастваральны ў фантастычным рамане Дугласа Адамза «Даведнік аўтастопшчыка па Галяктыцы» («The Hitchhiker’s Guide to the Galaxy»), па якім зьняты аднайменны фільм.

Вонкавыя спасылкі

Аўтаспын — сховішча мультымэдыйных матэрыялаў

autostopp.net Беларусь
Даведнік аўтастопшчыка па аўтаспыне Вікі-праект адмыслова для аўтастопшчыкаў (анг.)