Афіцэр (шахматы)

Чорны афіцэр можа зьдзейсьніць ход на любую клетку, пазначаную крыжыкам. Белы слон можа зрабіць ход на клетку, пазначаную кропкай, ці ўзяць чорнага латніка.

Афіцэ́р^[1], вышнік^[2], слон (Unicode: ♗, ♝) — лёгкая шахматная фігура. Кожны з супернікаў пачынае гульню з двума афіцэрамі. Напачатку партыі афіцэры займаюць палі c1, f1 (белыя) і c8, f8 (чорныя афіцэры).

Хады афіцэраРэдагаваць

Афіцэр можа хадзіць на любую колькасьць палёў па дыяганалі пры ўмове, што на ягоным шляху няма іншых фігураў.

Кожны афіцэр можа рухацца альбо толькі па белых, альбо толькі па чорных палёх, таму аднаго з афіцэраў называюць белапольным, іншага — чарнапольным. Ці, мяркуючы па пачатковай расстаноўцы, афіцэры могуць быць названыя адпаведна каралеўскім і візыравым.

Афіцэр у шахматнай партыіРэдагаваць

Паколькі афіцэру падуладная толькі палова палёў дошкі, ён слабейшы за ладзьдзю, якая можа хадзіць па ўсіх палях. Акрамя таго, на пустой дошцы пад ударам ладзьдзі заўжды знаходзіцца чатырнаццаць клетак, у той час як пад ударам афіцэра — ад сямі да трынаццаці. Да таго ж адным афіцэрам і каралём мат паставіць немагчыма.

Афіцэр прыблізна эквівалентны вершніку альбо тром латнікам. Перавага вершніка ў тым, што ён мога скакаць празь іншыя фігуры. Аднак афіцэр станае параўнальна мацнейшым у эндшпілі, калі атрымлівае больш вольнай прасторы для манэўраў.

ЭтымалёгіяРэдагаваць

Адпаведная фігура па-арабску завецца аль-філь, з-за чаго ў Францыі пераўтварылася ў шута (па-француску: fou), у Ангельшчыне, з-за падабенства зь біскупскай мітрай — у біскупа (па-ангельску: bishop), а ў Нямеччыне перайменаваная ў бегуна (па-нямецку: Läufer)^[3].