Афратропіка
Афратро́піка — біягеаграфічны рэгіён, да якога адносяцца часткі Афрыкі, якія разьмешчаныя на поўдзень ад пустэльні Сахары. Раней ён зваўся этыёпскай экалягічнай зонай.
![](http://upload.wikimedia.org/wikipedia/commons/thumb/8/8d/Ecozone_Afrotropic.svg/250px-Ecozone_Afrotropic.svg.png)
Мадагаскар і прылеглыя выспы складаюць у ім адмысловы, выразна адрозны падрэгіён, у якім існуюць шматлікія эндэмічныя віды жывёл, напрыклад, лемуры. Гэта абумоўленае тым, што Мадагаскар і Сэйшэльскія выспы адшчапіліся ад Афрыкі некалькі дзясяткаў мільёнаў гадоў назад і эвалюцыйныя працэсы на іх пайшлі асобным шляхам. Іншыя выспы ў Індыйскім акіяне, такія як Каморскія або Маскарэнскія выспы, зьяўляюцца выспамі вульканічнага паходжаньня, і іх век больш юны.
Яшчэ адным асобным субрэгіёнам Афратропікі зьяўляецца Капская вобласьць на поўдні кантынэнту, ахарактарызаваная кліматам, падобным на міжземнаморскі. Тут таксама існуюць шматлікія эндэмічныя віды.