Апэратыўная група расейскіх войскаў у Прыднястроўі

Апэраты́ўная ґру́па расе́йскіх во́йскаў у Прыднястро́ўскім рэґіёне Рэспу́блікі Малдо́вы (сокр. ОГРВ ПРРМ; па-расейску: Оперативная группа российских войск в Приднестровском регионе Республики Молдова) — аб’яднаньне Ўзброеных сілаў Расейскае Фэдэрацыі, дысьлякаванае на тэрыторыі непрызнанае Прыднястроўскае Малдоўскае Рэспублікі (дэ-юрэ — частка тэрыторыі Рэспублікі Малдовы), што існуе з 1995 року.

Апэратыўная ґрупа расейскіх войскаў у Прыднястроўскім рэґіёне Рэспублікі Малдовы
(АҐРВ ПРРМ)
рас. Оперативная группа российских войск в Приднестровском регионе Республики Молдова
(ОГРВ ПРРМ)
Middle emblem of the Armed Forces of the Russian Federation (27.01.1997-present).svg
Гады існаваньня красавік 1995 — дагэтуль
Краіна Сьцяг Расеі Расея
Падпарадкаваньне Заходняя вайсковая акруга
Уваходзіць у Middle emblem of the Armed Forces of the Russian Federation (27.01.1997-present).svgУзброеныя сілы Расеі
Тып апэратыўная ґрупа
Дысьлякацыя Тыраспаль,
Прыднястроўе Прыднястроўе (дэ-факта)
Сьцяг Малдовы Малдова
(дэ-юрэ)
Дзейны камандзір палкоўнік
Дзьмітры Зеленкоў
Вядомыя камандзіры гл. сьпіс

Штаб-кватэра АҐ месьціцца ў месты Тыраспаль. Ґрупа ё спадкаемцаю 14-е ґвардзейскае арміі УС СССР ды УС РФ.

ГісторыяРэдагаваць

СтварэньнеРэдагаваць

Асноўны артыкул: 14-я гвардзейская агульнавайсковая армія (СССР)

У красавіку 1995 року Ґенэральны штаб выдае дырэктыву (Дырэктыву Міністра Абароны Расейскае Фэдэрацыі ад 18.4.1995 р. № 314/2/0296), у якой 14-я ґвардзейская армія пераназываецца ў Апэратыўную ґрупу расейскіх войскаў у Прыднястроўскім рэґіёне Рэспублікі Малдовы, расфармоўваецца кіраваньне 14 Ґв.А, а пасада камандуючага арміяю ліквідуецца. Станам на 1 ліпеня 1995 року ў склад ґрупы ўваходзілі 52 злучэньні, вайсковых часткаў ды ўстановаў.

Штатная колькасьць складала — 6489 чалавек, у тым ліку:

У адпаведнасьці з гэтаю дырэктываю кіраваньне арміі скарачалася ў два разы, усе пасады ў новым штаце паніжаліся на тры—чатыры разрады, а адпаведна і службовыя аклады паніжаліся ў адпаведнасьці з гэтымі разрадамі[1].

Разузбраеньне й скарачэньне АҐРВРэдагаваць

У выніку праведзеных у 1995 годзе арґанізацыйных перапрыемстваў штатная колькасьць Апэратыўнае ґрупы скарацілася на 1044 вайсковаслужбоўцаў, у тым ліку:

  • афіцэраў — 163;
  • прапаршчыкаў — 187;
  • сяржантаў, жаўнераў — 694;

і склала 5445 вайсковаслужбоўцаў, у тым ліку афіцэраў — 1200, прапаршчыкаў — 667, сяржантаў, жаўнераў — 3578. Арґанізацыйныя мерапрыемствы, што праводзіліся ў 1995 годзе, былі накіраваныя на колькасны скарот вайсковых часткаў ды ўстановаў ды скарот орґанаў кіраваньня без уліку вырашальных заданьняў.

У далейшым у выніку праведзеных у 1996 годзе арґанізацыйных перапрыемстваў штатная колькасьць скарацілася на 353 вайсковаслужбоўцаў, у тым ліку:

  • афіцэраў — 89;
  • прапаршчыкаў — 58;
  • сяржантаў, жаўнераў — 206;

і склала 5092 вайсковаслужбоўцы, у тым ліку афіцэраў — 1111, прапаршчыкаў — 609, сяржантаў, жаўнераў — 3372.

За 1997 рок штатная колькасьць скарацілася на 2082 вайсковаслужбоўцы, у тым ліку:

  • афіцэраў — 470;
  • прапаршчыкаў — 216;
  • сяржантаў, жаўнераў — 1396;

і склала 3010 вайсковаслужбоўцаў, у тым ліку афіцэраў — 641, прапаршчыкаў — 393, сяржантаў, жаўнераў — 1976.

У 1998 годзе былі праведзеныя арґанізацыйныя мерапрыемствы па далейшай «аптымізацыі» арґанізацыйна-штатных структураў, перадысьлякацыі вайсковых часткаў ды ўстановаў у буйныя вайсковыя месты Тыраспальскага ґарнізону з мэтаю эканоміі сродкаў на аплату камунікальных паслугаў[2].

Паводле рашэньня Стамбульскае нарады АБСЭ (1999), Расея забавязалася вывесьці зброю і ўвесь асабісты склад з тэрыторыі ПМР яшчэ да 2001 року[3]. Станам на 2000 рок, абыймо ўзбраеньня й боепрыпасаў, што належаць Расеі, у прыднястроўскім рэґіёне Малдовы складала ля 42 000 тон. З 2000 року па 2004 рок адсюль было вывезена або зьнішчана на мейсцы ля 50% узбраеньня, вайсковае тэхнікі ды боепрыпасаў. У цяперашні час на складзе па розных адзнаках ад 19 000[4] да 21 500[5] тон боепрыпасаў: прыстасы, авіябомбы, міны, ґранаты, набоі[6]. Зь іх 57 % пратэрмінаваныя для ўжываньня й транспартаваньня. Усё ўзбраеньне ды вайсковая тэхніка вывезеныя або зьнішчаныя[7][8].

На сёньняшні дзень у складзе АҐ у Прыднястроўі застаюцца два асобныя мотастралковыя батальёны (выконваюць міратворчыя заданьні), батальён аховы й абслугоўваньня. 82-і ды 113-і мотастралковыя батальёны пачаргова выконваюць міратворчую місію на Днестры, праз рок зьмяняючы адзін аднаго. Агульная колькасьць АҐРВП улучаючы міратворчыя сілы — ля 1700 вайсковаслужбоўцаў[9][10].

Расейскае ґрупаваньне ў Прыднястроўі ня мае ўдарнага напрамку, ня мае сродкаў забесьпячэньня СРА або СПА, сродкаў ядзернага стрыманьня, няма іспытных паліґонаў, радараў, вузлоў сувязі, артылерыі, авіяцыі, танкаў, якія былі б спалучаныя з расейскаю арміяю[11].

Стаўленьне ўраду МалдовыРэдагаваць

Урад Малдовы неадначасова патрабавалі выйсьця ґрупы войскаў з тэрыторыі ПМР, а парлямэнт Малдовы лічыць яе знаходжаньне адною з асноўных пагрозаў нацыянальнай бясьпекі краіны.

У чэрвені 2018 року Ґенэральная Асамблея ААН прыйняла рэзалюцыю, што заклікае Расею вывесьці свае войскі з Прыднястроўя[12][13][14]. МУС Расеі назваў рэзалюцыю «прапаґандысцкаю хадою» і заявіў, што не зьбіраюцца яе выконваць[15].

Катэґарычна супраць вываду расейскіх войскаў выступае Прэзыдэнт Малдовы Іґар Дадон[16].

Асноўныя заданьні Апэратыўнае ґрупы расейскіх войскаў у ПрыднястроўіРэдагаваць

  1. Падрыхтаваньне вайсковаслужбоўцаў да ўдзелу і выкананьня міратворчае апэрацыі.
  2. Забесьпячэньне захаванасьці ўзбраеньня, боепрыпасаў і матэрыяльных сродкаў.
  3. Дзеі па вырашэньні Ґенэральнага штабу Ўзброеных Сілаў РФ пры зьмене сытуацыі ў рэґіёне[17].

Баявы складРэдагаваць

Склад АҐРВ станам на 1995 рокРэдагаваць

  • Кіраваньне ґрупы — в/ч 13962 (м. Тыраспаль).
  • 59-я ґвардзейская мотастралковая дывізія — в/ч 35770 (м. Тыраспаль).
  • 15-ы асобны ґвардзейскі полк сувязі — в/ч 33104 (м. Тыраспаль).
  • 976-ы асобны батальён РЭБ — в/ч 51962 (Слабадзейскі раён, в. Парканы).
  • 223-і асобны рэмонтна-аднаўляльны батальён — в/ч 55492 (м. Тыраспаль).
  • 58-ы асобны радыётэхнічны батальён СПА — в/ч 17599 (м. Тыраспаль).
  • 130-ы асобны батальён РХБ абароны — в/ч 29850 (м. Бэндэр).
  • 425-ы асобны інжынэрна-сапёрный батальён.
  • 97-ы асобны пантона-маставы батальён.
  • 36-я асобная гэлікоптэрная эскадрылья — в/ч 03514 (аэрадром Тыраспаль).
  • 818-я асобная рота адмысловага прызначэньня — в/ч 35792 (аэрадром Тыраспаль).
  • 143-я асобная рота аэрадромна-тэхнічнага абслугоўваньня — в/ч 12384 (аэрадром Тыраспаль).
  • 1464-я асобная рота сувязі й радыётэхнічнага забесьпячэньня — в/ч 45127 (аэрадром Тыраспаль).
  • 395-я асобная рота аховы й абслугоўваньня (м. Тыраспаль).
  • Н-скі стацыянарны вузел сувязі «Выкрайка» (м. Тыраспаль).
  • 504-я станцыя фэльд’еґерскае паштовае сувязі — в/ч 62417 (м. Тыраспаль).
  • Кадр кіраваньня 93-е брыґады матэрыяльна-тэхнічнага забесьпячэньня — в/ч 12014 (м. Тыраспаль).
  • 1387-ы камандна-выведчы цэнтар — в/ч 62543 (м. Тыраспаль).
  • 865-ы камандны пункт СПА — в/ч 13962-М (м. Тыраспаль).
  • 114-е мэтэабюро — в/ч 92462 (аэрадром Тыраспаль).
  • 799-я вайсковая каманда супрацьпажарнае аховы й ратавальных працаў (Рыбніцкі раён, в. Калбасна).
  • Тыраспальская кватэрна-эксплюатацыйная частка раёну (м. Тыраспаль).
  • Ґарнізоны афіцэрскі клюб (м. Тыраспаль).
  • Іншыя падразьдзелы часткі й установы.

Штатная колькасьць складала 6489 вайсковаслужбоўцаў[10]

Склад АҐРВП станам на 2002 рок[18]Рэдагаваць

  • Штаб АҐРВП
  • 8-я асобная ґвардзейская мотастралковая брыґада
  • 1162-і зэнітны-ракетны полк
  • 15-ы асобны полк сувязі
  • авіяґрупа

Склад АҐРВП станам на 2015 рокРэдагаваць

  • Кіраваньне АҐРВ у ПР РМ — в/ч 13962. Адрэса: MD-3300, Рэспубліка Малдова, м. Тыраспаль-17, пер. Чкалава, 45.
  • 82-і асобны ґвардзейскі мотастралковы батальён — в/ч 74273. Адрэса: MD-3300, Рэспубліка Малдова, м. Тыраспаль, вул. К. Лібкнэхта, 159.
    • кіраваньне батальёну;
    • чатыры матастралковае роты;
    • зьвяз кіраваньня;
    • ґранатамётны зьвяз;
    • зьвяз тэхнічнага забесьпячэньня;
    • зьвяз матэрыяльнага забесьпячэньня;
    • мэдычны зьвяз.
  • 113-ы асобны ґвардзейскі мотастралковы батальён — в/ч 22137. Адрэса: MD-3300, Рэспубліка Малдова, м. Тыраспаль, вул. К. Лібкнэхта, 159.
    • кіраваньне батальёну;
    • чатыры мотастралковыя роты;
    • зьвяз кіраваньня;
    • ґранатамётны зьвяз;
    • зьвяз тэхнічнага забесьпячэньня;
    • зьвяз матэрыяльнага забесьпячэньня;
    • мэдычны зьвяз.
  • 540-ы асобны батальён кіраваньня в/ч 09353. Адрэса: MD-3300, Рэспубліка Малдова, м. Тыраспаль, вул. К. Лібкнэхта, 159.
    • камандаваньне (камандзір батальёну, намесьнік камандзіра батальёну (у ваенны час), намесьнік камандзіра батальёну па выхаваўчай працы, псыхоляґ (службоўца РА), намесьнік камандзіра батальёну па ўзбраеньні, намесьнік камандзіра батальёну па тыле) і штаб батальёну;
    • рота аховы, што арґанізацыйна складаецца з кіраваньня роты, 4-х зьвязаў аховы, аддзяленьня аховы вайсковае пракуратуры й аддзяленьня аховы аддзелу вайсковае контрвыведкі ФСБ;
    • вузел сувязі;
    • станцыя фэльд’еґерскае паштовае сувязі;
    • інжынэрна-сапёрны зьвяз;
    • аддзел хаваньня й утылізацыі ўзбраеньня ды вайсковае тэхнікі;
    • рота тэхнічнага абслугоўваньня;
    • рота матэрыяльнага забесьпячэньня;
    • склад паліва;
    • вайсковы аркестар;
    • паліґон.

КамандаваньнеРэдагаваць

 
Ёсіф Кабзон, Валерыя і палкоўнік Дзьмітры Зеленкоў, лістапад 2016
  • Валеры Яўневіч, ґенэрал-лейтэнант (лістапад 1995 — 16 студзень 2002),
  • Барыс Сяргееў, ґенэрал-маёр (16 студзеня 2002 — 11 верасьня 2009),
  • Вячаслаў Сітчыхін, палкоўнік (з 11 верасьня 2009 — 2010),
  • Сяргей Ныркоў, палкоўнік (2010 — 2011),
  • Валеры Плахатнюк, палкоўнік (1 сьнежня 2011 — 15 сакавіка 2013),
  • Сяргей Гарачаў, палкоўнік (15 сакавіка 2013 — 25 сьнежня 2014 ),
  • Дзьмітры Зеленкоў, палкоўнік (25 сьнежня 2014 — дагэтуль).

Глядзіце таксамаРэдагаваць

КрыніцыРэдагаваць

  1. ^ После войны (по материалам печати и из записок полковника Чернобривого В. Н.)
  2. ^ (по материалам печати и из записок полковника Чернобривого В. Н.)
  3. ^ Istanbul Document (ru) | OSCE
  4. ^ О посещении склада боеприпасов в н.п. Колбасна российскими и украинскими экспертами.
  5. ^ Власти Молдовы выступают за полный вывод российских войск и вывоз боеприпасов.
  6. ^ Боеприпасы не вывезти без риска для местных жителей — Независимая газета, 04.08.2005.
  7. ^ На российском военном складе в Приднестровье ежедневно проводится инвентаризация и проверка безопасности.
  8. ^ Мы способны защитить свою независимость.
  9. ^ Леонид Нерсисян. Отступать больше некуда: военные базы России
  10. ^ а б Военный форум Праверана 2015-09-21 г. Архіўная копія ад 2015-06-11 г.
  11. ^ Удар по Приднестровью
  12. ^ ГА ООН призвала Россию вывести войска из Приднестровья
  13. ^ Генассамблея ООН одобрила резолюцию с призывом к РФ вывести войска из Приднестровья
  14. ^ Генассамблея ООН одобрила резолюцию о выводе российских войск из Приднестровья
  15. ^ Премьер-министр Молдавии потребовал вывода российских войск / kommersant.ru
  16. ^ Додон против вывода российских войск из Приднестровья / news.ru
  17. ^ Портал для военнослужащих Праверана 2015-09-21 г. Архіўная копія ад 2015-06-11 г.
  18. ^ военно-базовая удавка

Вонкавыя спасылкіРэдагаваць

  Апэратыўная група расейскіх войскаў у Прыднястроўісховішча мультымэдыйных матэрыялаў

Шаблён:Групы войскаў