Антэр (папа рымскі)
Антэр (лац.: Anterus, ? — 3 студзеня 236) — 19-ы Папа Рымскі (з 21 лістапада 235 па 3 студзеня 236).
| Anterus | |
 Антэр I, Папа Рымскі | |
| Пачатак папства | 21 лістапада 235 |
|---|---|
| Канец папства | 3 студзеня 236 |
| Папярэднік | Пантыян |
| Наступнік | Фабіян |
| Асабістыя зьвесткі | |
| Нарадзіўся | ? |
| Памёр | 3 студзеня 236 |
| Пахаваны | |
| Дэнамінацыя | Каталіцкая царква[2] |
| Заняткі | каталіцкі сьвятар |
| Дзень памяці | 3 студзеня |
Пантыфікат рэдагаваць
Біскуп Рыма Антэр быў грэкам, сынам Ромула[3], які нарадзіўся ў Пецілію-Палікастра ў Калабрыі й вызваліўся з рабства.
Верагодна, што ў 235 годзе ён (разам зь іншымі дзеячамі хрысьціянскай царквы, у тым ліку папам сьв. Пантыянам і біскупам (антыпапай) сьв. Гіпалітам Рымскім) быў сасланы на востраў Сардынія па загадзе імпэратара Максыміна Тракійскага. Там Пантыян і Гіпаліт памірыліся й дамовіліся аб тым, што наступным Папам стане Антэр.
Яго пантыфікат працягваўся месяц і дзесяць дзён. Ён лічыцца пакутнікам, пахаваны ў катакомбах сьв. Калікста. Надмагільная пліта Антэра была знойдзена Джавані Батыста дэ Росі ў 1854 годзе. На пліце захаваліся паўсьцёртыя рэшткі грэцкай эпітафіі.