Аннэ-Катарына Вэстлі

Ганна-Катарына Вэстлі (па-нарвэску: Anne-Cath. Vestly; 15 лютага 1920, Рэна, Нарвэгія — 15 сьнежня 2008, М’ёндален, Нарвэгія) — нарвэская дзіцячая пісьменьніца.

Ганна-Катарына Вэстлі
Anne Catharina Vestly
Асабістыя зьвесткі
Імя пры нараджэньні	Ганна Катарына Шулеруд
Нарадзілася	15 лютага 1920 Рэна, Нарвэгія
Памерла	15 сьнежня 2008 (88 гадоў) М’ёндален, Нарвэгія
Пахаваная	Заходнія могілкі[d]
Бацькі	Mentz Schulerud[d]
Муж	Ёган Вэстлі
Дзеці	2 сыны
Літаратурная дзейнасьць
Род дзейнасьці	акторка, пісьменьніца, перакладніца, дзіцячая пісьменьніца
Гады творчасьці	1950-я — 2002
Кірунак	дзіцячая літаратура
Жанр	літаратура для дзяцей і моладзі[d]
Мова	нарвэская мова
Узнагароды	прэмія „Спэлеман“ за найлепшы дзіцячы запіс року[d] (1991) ганаровая прэмія Брагі[d] (1995) Norwegian Booksellers' Prize[d] (1986) Мэдаль Ібсэна[d] (2003) Sarpsborgprisen[d] (1961) Arts Council Norway Honorary Award[d] (1994) Oslo City Culture Award[d] (1990) Pillarguri prize[d] (2000) Solprisen[d] (1999) літаратурная прэмія Пэра Гюнта[d] (1980) Norwegian radio listeners' Society's prize[d] (1962) Riksmålsforbundets barne- og ungdomsbokpris[d]
Ганна-Катарына Вэстлі ў Вікісховішчы

Жыцьцяпіс

Ганна Катарына Шулеруд нарадзілася ў вёсцы Рэне ў сям’і фармацэўта Мэнца Шулеруда(no) і школьнай настаўніцы Аагот Шулеруд. Па сканчэньні школы ў 1939 разам з маці пераехала ў Осьлё, дзе паступіла ва ўнівэрсытэт, наведвала прафтэхвучэльню і ўдзельнічала ў аматарскім тэатры.

Дзякуючы брату Мэнцу(no), які працаваў на Нарвэскім радыё, стала весьці дзіцячыя перадачы на радыё і тэлевізіі. Большасьць ейных кнігаў сьпярша чыталіся ў дзіцячай перадачы на радыё.

Ейная першая кніга, «Ole Aleksander Filibom-bom-bom», перарасла ў выніку ў 12-томную сэрыю. Самы вядомы твор Ганны-Катарыны — «Åtte små, to store og en lastebil» (бел. Восем дзяцей, два дарослых і грузавік) — апісвае сям’ю з васем’ю дзецьмі, якая жыве ў маленькай кватэры ў Осьлё; гэты твор таксама запачаткаваў 9-томную сэрыю пра бабулю дзяцей па кудзелі («Mormor og de åtte ungene»).

Вэстлі таксама здымалася ў некалькіх фільмах па сваіх творах.

Сям’я

У 1946 року выйшла за Ёгана Вэстлі (1923—1993), зь якім мелі двух сыноў. Муж ілюстраваў ейныя кнігі да сьмерці.

Брат Ганны-Катарыны Мэнц быў пісьменьнікам, радыёвядоўцам і тэатральным рэжысэрам.

У 2006 року пісьменьніца захварэла на Альцгаймэра, апошнія гады правяла ў прытулку для старых у М’ёндалене, дзе і сканала.

Прэміі і ўзнагароды

• Літаратурная прэмія Таварыства рыксмолю (1977)
• Прэмія Пэра Гюнта (1980)
• Прэмія Альфа Пройсэна (1986)
• Прэмія нарвэскіх кнігапрадаўцоў (1986)
• Скрыпацкая прэмія (1991)
• Ордэн сьвятога Оляфа першай клясы (1992)
• Ганаровая прэмія Нарвэскай культурнай рады (1994)
• Прэмія Браге (1995)
• Прэмія Прыляргуры (2000)