Алесь Розна
Але́сь Ро́зна, сапраўднае імя Абра́м Іса́кавіч (1913, Менск, Расейская імпэрыя — 1942, Унжляг, Горкаўская вобласьць РСФСР) — беларускі паэт, перакладнік.
| Алесь Розна | |
| Асабістыя зьвесткі | |
|---|---|
| Імя пры нараджэньні | Абрам Розна |
| Нарадзіўся | 1913 Менск |
| Памёр | 1942 Унжляг |
| Літаратурная дзейнасьць | |
| Род дзейнасьці | паэт, перакладнік |
| Мова | беларуская |
| Дэбют | 1927 |
| Творы на сайце Knihi.com | |
Жыцьцяпіс
рэдагавацьНарадзіўся ў 1913 року ў рабочай сям’і. Бацька памёр вельмі рана, маці выхоўвала пяцёх дзяцей (чатырох сыноў і дачку)[1].
Пасьля сярэдняй школы Алесь Розна працаваў наборшчыкам у друкарні. Скончыў Лепельскі пэдагагічны тэхнікум[2], Менскі пэдагагічны інстытут (1932—1935), працаваў у рэдакцыі „Чырвонай зьмены“.
Арыштаваны 28 кастрычніка 1936 року па адрасе: Менск, вул. Чырвонаармейская, д. 27, кв. 2. 2 кастрычніка 1937 року асуджаны НКУС за „ўдзел у контрарэвалюцыйнай нацыянал-фашысцкай арганізацыі“ і за „антысавецкую дзейнасьць“ да 10 гадоў папраўчай калёніі. Сасланы ў Унжляг(ru) (станцыя Сухабязводная Горкаўскай чыгункі), дзе і памёр.
Рэабілітаваны прэзыдыюмам Вярхоўнага суду БССР 19 кастрычніка 1955 року.
Творчасьць
рэдагавацьПершыя вершы апублікаваў у 1927 року ў часопісе „Беларускі піянэр“. Друкаваўся ў газэтах „Савецкая Беларусь“, „Зьвязда“, „Чырвоны сейбіт“, „Чырвоная зьмена“, часопісах „Полымя“ і „Чырвоная Беларусь“.
Пераклаў на беларускую мову творы Гайнрыха Гайнэ, Адама Міцкевіча, з Сяргеем Грахоўскім — некалькі вершаў Аляксандра Пушкіна.
Крыніцы
рэдагаваць- ^ Грахоўская 2013. С. 103.
- ^ Грахоўская 2013. С. 98.
Літаратура
рэдагаваць- Таццяна Грахоўская. Сяргей Грахоўскі і Алесь Розна: сябры — равеснікі — паэты // Маладосць. — ліпень 2013. — № 7 (716). — С. 97—103.
Вонкавыя спасылкі
рэдагаваць- РОЗНА Алесь // Маракоў Л.У. Рэпрэсаваныя літаратары, навукоўцы, работнікі асветы, грамадскія і культурныя дзеячы Беларусі, 1794—1991. Энц. даведнік. У 10 т. Т. 2. — Мн:, 2003. ISBN 985-6374-04-9.
- РОЗНА Алесь // Маракоў Л.У. Рэпрэсаваныя літаратары, навукоўцы, работнікі асветы, грамадскія і культурныя дзеячы Беларусі, 1794—1991. Энц. даведнік. У 10 т. Т. 3. Кн. 2. — Мн:, 2003. ISBN 985-6374-04-9.