Ірына Касьцевіч

Ірына Анатольеўна Касьцевіч (нар. 26 студзеня 1967, Менск) — міністар працы і сацыяльнай абароны Рэспублікі Беларусь (2017—2024).

Ірына Анатольеўна Касьцевіч
Міністар працы і сацыяльнай абароны Рэспублікі Беларусь
14 сакавіка 2017 — 29 сакавіка 2024
Прэзыдэнт:	Аляксандар Лукашэнка
Прэм’ер-міністар:	Андрэй Кабякоў
Папярэднік:	Валеры Малашка
Наступнік:	Натальля Паўлючэнка(be)
Асабістыя зьвесткі
Нарадзілася:	26 студзеня 1967 (57 гадоў) Менск, БССР
Адукацыя:	Інстытут народнай гаспадаркі (1989) Акадэмія кіраваньня пры прэзыдэнце Рэспублікі Беларусь (2002)
Узнагароды:	Грамата Патрыяршага экзарха ўсяе Беларусі[d]

Жыцьцяпіс

Скончыла Беларускі дзяржаўны інстытут народнай гаспадаркі ў 1989 годзе (плянаваньне прамысловасьці), Акадэмію кіраваньня пры прэзыдэнце Рэспублікі Беларусь у 2002 годзе (эканоміка і кіраваньне на прадпрыемстве).

У 1989—1992 гадах — інжынэр-канструктар ЦНДІТК Менскага навукова-вытворчага аб’яднаньня «Цэнтрсістэм». У 1993—1994 гадах — эканаміст I катэгорыі, вядучы эканаміст упраўленьня статыстыкі матэрыяльных рэсурсаў Дзяржкамстату Рэспублікі Беларусь. У 1994—2002 гадах — вядучы эканаміст, галоўны эканаміст, начальнік упраўленьня статыстыкі матэрыяльных рэсурсаў Міністэрства статыстыкі і аналізу Рэспублікі Беларусь. У 2002—2006 гадах — начальнік упраўленьня статыстычнага плянаваньня і арганізацыі статназіраньні Міністэрства статыстыкі і аналізу Рэспублікі Беларусь. У 2006—2008 гадах — намесьнік Міністра статыстыкі і аналізу Рэспублікі Беларусь. У 2008—2015 гадах — першы намесьнік Старшыні Нацыянальнага статыстычнага камітэта Рэспублікі Беларусь. З 28 студзеня 2015 году да 13 сакавіка 2017 году — намесьнік Міністра эканомікі Рэспублікі Беларусь.

14 сакавіка 2017 году прызначана міністрам працы і сацыяльнай абароны Рэспублікі Беларусь.

У 2024 годзе стала дэпутаткай Палата прадстаўнікоў Нацыянальнага сходу Рэспублікі Беларусь VIII скліканьня.