Ёрк

Ёрк (па-ангельску: York) — катэдральны горад і ўнітарная тэрыторыя, які знаходзіцца ў месцы зьліцьця рэк Уз і Фос, у Ангельшчыне. У горадзе месьцяцца даўнія будынкі і збудаваньні, такія як катэдра, замак і старажытныя гарадзкія сьцены. Горад ёсьць галоўным горадам гістарычнага Ёркшыру. Гарадзкая рада ёсьць унітарным органам, якая адказвае за аказаньне ўсіх мясцовых паслугаў. Горад знаходзіцца ў цырыманіяльным графстве Паўночнага Ёркшыру, але не ўваходзіць у склад гарадзкога рэгіёну Лідса. Горад быў заснаваны рымлянамі і меў назву Эбаракум у 71 годзе. У хуткім часе ён стаў сталіцай рымскай правінцыі Ніжняя Брытанія, а пазьней галоўным горадам каралеўстваў Дэйра, Нартумбрыя і Ёрвік. У Сярэднявеччы Ёрк ператварыўся ў буйны гандлёвы цэнтар продажы воўны і стаў сталіцай паўночнай царкоўнай правінцыі Англіканскай царквы. У XIX стагодзьдзі Ёрк быў буйным цэнтрам чыгуначнай сеткі і цэнтрам вытворчасьці кандытарскіх вырабаў. Падчас Другой сусьветнай вайны Ёрк зьведаў нямецкія бамбаваньні.

Ёрк
Герб Ёрку
Дата заснаваньня:	71
Краіна:	Вялікабрытанія
Плошча:	271,94 км²
Насельніцтва:	208 400 чал.
Тэлефонны код:	01904
Паштовы індэкс:	YO1, YO10, YO19, YO23, YO24, YO26, YO30, YO31, YO32
Геаграфічныя каардынаты:	53°57′0″ пн. ш. 1°5′0″ з. д.
Ёрк на мапе Вялікабрытаніі Ёрк
Галерэя здымкаў у Вікісховішчы
http://www.york.gov.uk/

Вонкавыя спасылкі

• Гісторыя Ёрку.