The Superbullz
The Superbullz — беларускі рок-гурт, утвораны ў студзені 2016 году ў Менску. Вакалістам і лідэрам гурту зьяўляецца Алесь-Францішак Мышкевіч, былы басіст "Трубяцкога" і "J:МОРС", таксама выступаў з Лявонам Вольскім у Крамбамбуле і ў ягоных сольных праектах. Склад The Superbullz дапаўняюць музыкі, вядомыя сваімі выступамі ў Крамбамбуле і J:МОРС, а таксама раней супрацоўнічалі ў джазавым праекце Мышкевіча Chiefs Band. Гурт называе сябе "пераважна беларускамоўным", хоць выконвае таксама песьні на расейскай ды ангельскай мовах.
| The Superbullz | |
 | |
| Інфармацыя | |
|---|---|
| Гады | 2016 — па сёньняшні дзень |
| Адкуль | Беларусь |
| Мова | беларуская, расейская, ангельская |
| Жанр(ы) | Рок |
Першапачаткова гурт называўся "The Superboys", але была пераназваная з-за таго, што ў Расеі ўжо дзейнічае аднайменная група. Першапачаткова музыкі плянавалі выконваць пераважна кавэры былых савецкіх гітоў у стылі панк-року, але пазьней засяродзіліся на стварэньні ўласных песень.
У лістападзе 2016 году гурт выступіў у беларускіх адборачных матчах на конкурс песьні Эўрабачаньне-2017 зь песьняй "Adstupisia!/Get Back!", аднак, выбыў ужо ў паўфінале. 18 траўня 2017 году The Superbullz прадставілі свой дэбютны альбом "Hardcore Zachodniaha Paleśsia", у які ўвайшлі 12 аўтарскіх песень гурту, у тым ліку ўсе выпушчаныя раней як самотнікі. У чэрвені 2017 году кліп на песьню "Maci" быў абраны беларускамоўным відэакліпам месяцу чытачамі парталу Tuzin.fm.
Склад рэдагаваць
- Алесь-Францішак Мышкевіч — сьпеў (ад 2016)
- Павал Трыпут — гітара (ад 2016)
- Валер Дасюкевіч — бас-гітара (ад 2016)
- Павал Мамонаў — бубны (ад 2016)
- Андрэй Якубчык — труба (ад 2016)
- Раман Джазукевіч — трамбон (ад 2016)