Ptilocercus lowii
Ptilocercus lowii — адзіны від у сваім сямействе. Гэтыя жывёлы насяляюць паўвостраў Малака, астравы Суматра, поўнач Барнэа і бліжэйшыя невялікія астравы (Брунэй, Інданэзія, Малайзія, Тайлянд). Яны жывуць у лясах, плянтацыях, і дамах побач з узьлескамі на вышынях ад узроўню мора да 1200 метраў[1][2][3][4].
| Ptilocercus lowii | |
 Ptilocercus lowii | |
| Клясыфікацыя | |
|---|---|
| Царства | Жывёлы (Animalia) |
| Тып | Хордавыя (Chordata) |
| Падтып | Хрыбетныя (Vertebrata) |
| Надкляса | Чатырохногія (Tetrapoda) |
| Кляса | Сысуны (Mammalia) |
| Падкляса | Зьвяры (Theria) |
| Інфракляса | Пляцэнтарныя (Placentalia) |
| Атрад | Вавёрачнікі (Scandentia) |
| Сямейства | Ptilocercidae Lyon, 1913 |
| Род | Ptilocercus Gray, 1848 |
| Від | P. lowii |
| Бінамінальная намэнклятура | |
| Ptilocercus lowii Gray, 1848 | |
| Арэал | |
| |
Даўжыня ад носа да хваста складае 100–140 мм, даўжыня хваста 130–190 мм, маса 25–60 грамаў. Галава ўмерана выцягнутая; вочы вялікія; вібрысы доўгія. Валасяны полаг мяккі, як правіла, шэра-карычневы вышэй і жаўтлява-шэры ніжэй. Хвост цёмны і голы, за выключэньнем кончыка, які мае доўгія белыя валасы, размешчаныя прыблізна ў адной плашчыні[2][3][4].
Прадстаўнікі сямейства вядуць драўняны і начны вобраз жыцьця. Зафіксавана гнездаваньне на буйных галінах і ствалах дрэў на 12–20 метраў над зямлёй. Гнязда высланыя высахлым лісьцем, галінкамі, валокнамі мяккай драўніны і маюць дыямэтар каля 8 см і даўжыню 46 см. Гэта ўсяедныя жывёлы; ужываюць вусякоў, дробных хрыбетных, садавіну[2][3][4].
Крыніцы
рэдагаваць- ^ Cassola, F. (2016) Ptilocercus lowii (анг.). The IUCN. Праверана 18.06.2021 г.
- ^ а б в Askay, S. (2000) Ptilocercus lowii (анг.). Animal Diversity Web. Праверана 18.06.2021 г.
- ^ а б в Nowak R. M. Walker's mammals of the world. — 6. — Baltimore and London: JHU Press, 1999. — Т. 1. — С. 248, 249. — 1936 с. — ISBN 0801857899 (анг.)
- ^ а б в Vaughan T., Ryan J., Czaplewski N. Mammalogy. — Jones & Bartlett Learning, 2011. — С. 165. — 750 с. — ISBN 9780763762995 (анг.)
 |
Гэта — накід артыкула па заалёгіі. Вы можаце дапамагчы Вікіпэдыі, пашырыўшы яго. |