Oomph!

Oomph! — нямецкі рок-гурт, які выконвае музыку ў стылі Neue Deutsche Härte. Гурт утвораны ў 1989 годзе ў Вольфсбургу, Нямеччына.

Oomph!
Гады	1989 — цяпер
Краіна	Нямеччына
Месца ўтварэньня	Вольфсбург, Нямеччына
Мова	нямецкая, ангельская
Жанр	індастрыял-мэтал, Neue Deutsche Härte, EBM
Выдавец	Sony BMG, Supersonic Records
Удзельнікі	Дэра Гоі Андрэас Крэп Робэрт Флюкс
Oomph.de

Гісторыя

Пачаткам гісторыі гурта OOMPH! стаў 1989 год. Менавіта тады, на невялікім музычным фэсьце ў Вольфсбургу, сустрэліся трое — Дэра, Крэп, Флюкс. Дэра і Крэп, будучы знаёмымі зь дзяцінства, ужо даўно працавалі над рознымі сумеснымі праектамі, ад гульні ў пясочніцы і да працы ў гурце Phaze. Флюкс да таго працаваў у гурце, што выконваў нэарамантычную/авагардысцкую музыку.

У далейшым на працяглым водпуску ў Гішпаніі быў запісаны нейкі напалову мітычны (для цяперашніх фанатаў OOMPH!) дэма-альбом, выдадзены накладам каля 500 асобнікаў і прададзены ў Гішпаніі. У адным з інтэрвію Дэра, расказваючы пра гэты альбом, гаворыць наступнае: «Для нас гэта стала добрым спосабам высьветліць, якую музыку мы хочам рабіць. Мы спрабавалі, рэпэтавалі, запісвалі… У выніку ў нас выйшаў авангардысцкі электронны альбом, подобны да таго, што мы рабілі потым… Але гэта быў яшчэ ня OOMPH!». Апроч таго, у працэсе працы склалася творчая каманда, і ролі ў ёй разьмеркаваліся, цытуючы Дэра, наступным чынам: «Крэп — гэта Тэза, я — Антытэза, Флюкс — гэта Сынтэз».

Наступным этапам стаў кантракт з Machinery Records і выпуск у 1991 годзе «Ich Bin Du». Самотнік быў пасьпяховым, і за ім, у 1992 годзе, выйшаў EBM-альбом з немудрагелістым назовам «OOMPH!», наступным самотнікам OOMPH! стаў «Der Neue Gott». Гурт пачаў выступаць на канцэртах.

Улетку 1993 году OOMPH! гралі ў Нью-Ёрку. Увосень 1993 году выйшаў самотнік «Breathtaker», з рэміксамі дзьвюх песьняў з другога альбому — «Sperm». Сам альбом выпушчаны ў 1994 годзе лэйблам Dynamica. «Sperm» быў непадобны да першага альбому, найперш у музычным пляне: пазьней гурт назавуць заснавальнікамі Neue Deutsche Härte. Таксама выразнаю рысаю гурта ад тых часоў становіцца правакацыйнасьць тэкстаў і відэа.

Праз год Dynamica выдае трэці альбом OOMPH! — «Defekt». «Defekt» стаў найбольш цяжкім і агрэсіўным. Флюкс расказвае пра тое, як для альбому была знойдзеная назва: «.. З Defekt адбылася такая гісторыя: мы прынесьлі чарнавы варыянт экспэрту для праслухоўваньня, але CD быў сапсаваны. Экспэрт вярнуў нам яго з надпісам CD Defekt». Тады гурт ужо выступаў на канцэртах у паўнавартасным складзе: зьявіўся барабаншчык Леа (с тых часоў ён бязьзьменны «жывы» барабаншчык OOMPH!) и басіст. Альбом ня меў вялікага посьпеху, але OOMPH! уже заўважылі буйныя лэйблы, у прыватнасьці Virgin Schallplatten. Dynamica адмовілася адпусьціць гурт пад апеку Virgin, бо паводле кантракту гурт быў вінен яшчэ адзін альбом. У 1996 годзе выйшаў «Wunschkind». «…Наш чацьвёрты альбом „Wunschkind“ быў свайго кшталту нашым расчараваньнем. Гэта быў сама брыдкі дыск, які мы калі-небудзь рабілі», — скардзіцца Флюкс. Аднак большая частка слухачоў і крытыкаў ацаніла альбом станоўча, бо атмасфэра альбому адпавядае заяўленай тэме — тэме гвалту над дзецьмі.

Адразу пасьля заключэньня кантракту з Virgin Schallplatten, у 1998 годзе, з розьніцай у месяц, былі выпушчаны самотнік «Gekreuzigt» і аднайменны кліп, пяты альбом «Unrein», самотнік «Unsere Rettung».

Гурт зьезьдзіў у турнэ «Unrein» і пачаў працаваць над новым альбомам. 1999 год стаў годам альбому «Plastik». Да працы над альбомам была далучаная Ніна Хаген. Гурт паехаў у эўрапейскае турнэ разам з Skunk Anasie, выступае на шматлікіх фэстах, песьні з мэлядычнага «Plastik» занялі цьвёрдае месца ў канцэртнай праграме гурта.

Але OOMPH! на гэтым не спыніліся, яны ў чарговы раз збмяняюцца і ў 2001 годзе выпускаюць альбом «Ego», з двума самотнікамі— «Supernova» і «Niemand». Большасьць крытыкаў адгукнуліся на альбом ня надта ўхвальна. OOMPH! жа распачалі эўрапейскае турнэ разам з Him.

З выпускам «Ego» скончыўся кантракт з Virgin Schallplatten, OOMPH! пачалі пошук новага лэйблу і працу над альбомам. У сярэдзіне 2003 году OOMPH! падпісвае кантракт з Gun Records і выпускае напрыканцы году кліп «Augen Auf!». У лютым 2004 году зьяўляецца восьмы альбом «Wahrheit oder Pflicht». «Wahrheit oder Pflicht» становіцца «залатым» і ўваходзіць у Germany TOP 100 Albums. OOMPH! едуць у турнэ па гарадох Нямеччыны і Эўропы. У сакавіку 2006 году выйшаў альбом «GlaubeLiebeTod».

У другой палове 2006 году лэйблы Virgin и Supersonic выпусьцілі адразу два зборнікі найлепшых рэчаў гурта.

У ліпені 2007 выходзіць першы доўгачаканы DVD Rohstoff. У лютым 2008 году OOMPH! з Мартай Яндавай прэзэнтавалі на конкурсе Bundesvision песьню-пераможцу.

22 жніўня выйшаў 10-ы, «угодкавы» альбом OOMPH! «Monster». Ён увабраў у сябе элемэнты EBM з дэбютнага альбому — трэк «Revolution», а таксама гімнападобныя прыпевы, моцныя гітарныя рыфы, танцавальныя мэлёдыі і долю патасу. Альбом выпушчаны ў некалькіх вэрсіях (CD і DVD).

26 лютага 2010 году выходзіць альбом «Truth or Dare» — перакладзеныя на ангельскую песьні апошніх гадоў.

Новы альбом гурта «Des Wahnsinns Fette Beute» выйшаў 18 траўня 2012 году. Альбом вылучаецца кардынальнаю зьменаю гуку ў бок электроннага поп-гучаньня, але гурт застаецца верным сваёй традыцыйнай правакацыйнасьці тэкстаў.

Дыскаграфія

Студыйныя альбомы

• Oomph! (1992)
• Sperm (1994)
• Defekt (1995)
• Wunschkind (1996)
• Unrein (1998)
• Plastik (1999)
• Ego (2001)
• Wahrheit oder Pflicht (2004)
• GlaubeLiebeTod(2006)
• Monster (2008)
• Truth or Dare (2010)
• Das Wahnsinns Fette Beute (2012)

Зборнікі

• 1991—1996: The Early Works (1998)
• 1998—2001: Best of Virgin Years (2006)
• Delikatessen (2006)

Самотнікі

• Ich bin Du|Ich bin du (1991)
• Der neue Gott (1992)
• Breathtaker (1993)
• Sex (1994)
• 3+1 (1994)
• Ice-Coffin (1995)
• Gekreuzigt (1998)
• Unsere Rettung (1998)
• Das Weisse Licht|Das weiße Licht (1999)
• Fieber (1999, feat. Nina Hagen)
• Supernova (2001)
• Niemand (2001)
• Augen Auf!(2004)
• Brennende Liebe (2004, feat. L’Âme Immortelle)
• Sex hat keine Macht (2004)
• Gott ist ein Popstar (2006)
• Das letzte Streichholz (2006)
• Die Schlinge (2006)
• Gekreuzigt 2006/Power of love (2006)
• Träumst du? (2007, feat. Marta Jandova)
• Wach auf! (2008)
• Labyrinth (2008)
• Sandmann (2009)
• Zwei Schritte Vor (2012)

DVD

• Rohstoff (2007)