Элізэйскія палі
Элізэйскія палі або Шанз-Элізэ (па-француску: avenue des Champs-Élysées або les Champs-Élysées, або проста les Champs) — адна з галоўных магістраляў у VIII акрузе Парыжа. Элізэйскія палі распасьціраюцца ад плошчы Канкорд да Трыюмфальнай аркі. Працягласьць 1915 м, шырыня 71 м.
![](http://upload.wikimedia.org/wikipedia/commons/thumb/c/c8/Champs-Elys%C3%A9es%2C_vue_de_la_Concorde_%C3%A0_l%27Etoile.jpg/300px-Champs-Elys%C3%A9es%2C_vue_de_la_Concorde_%C3%A0_l%27Etoile.jpg)
Назва паходзіць ад Элізэйскіх палёў (Ἠλύσιον πεδίον) з грэцкай міталёгіі, дзе яны абазначаюць краіну падземнага царства, у якой пануе вечная вясна і праводзяць час бесклапотны час героі і людзі, якія вялі праведны лад жыцьця.
Паводле папулярнага стэрэатыпу, Элізэйскія палі — самая прыгожая вуліца ў сьвеце (па-француску: la plus belle avenue du monde). З прычыны высокага кошту нерухомасьці ў дамах па Элізэйскія палях нямнога жыхароў, у будынках разьмяшчаюцца пераважна крамы і офісы.