Экзатычная рыфма

Экзаты́чная ры́фма — від рэдкай рыфмы, у якой сугуччамі спалучаны малавядомыя ці зусім невядомыя замежныя словы (уласныя імёны, тапанімічныя назвы і г. д.). Экзатычная рыфма разьлічаная на неспадзяванасьць, нечаканасьць супастаўленьня словаў, далёкіх ня толькі па сэнсе, але і па сваёй моўнай прыналежнасьці: Мінэ́рва — мяне́ рве, шука́ў — шака́л, вуша́х — іша́к і г. д.

Прыклад арыгінальнай экзатычнай рыфмы (рознанаціскной) — у вершы Ю. Гаўрука «Батумі»:

Зелень, вада.

Дождж як з вядра́.

Пахне скураю

І алеа́ндрам.

Літаратура

• Рагойша В. П. Паэтычны слоўнік. — 3-е выд., дапрац. і дапоўн. — Менск: Беларуская навука, 2004. — 576 с. — 2000 ас. — ISBN 985-08-0598-6
• Рагойша В. П. Тэорыя літаратуры ў тэрмінах. — Менск: Беларуская энцыклапедыя, 2001. — 384 с. — 1000 ас. — ISBN 985-11-0197-4