Швэдзкая каралеўская акадэмія навук

Швэдзкая каралеўская акадэмія навук — адна з швэдзкіх каралеўскіх акадэміяў, незалежная недзяржаўная арганізацыя, якая ставіць мэтай разьвіцьцё навук (перш за ўсё матэматыкі і прыродазнаўчых навук).

Швэдзкая каралеўская акадэмія навук
анг. Kungliga Vetenskapsakademien
Будынак Акадэміі (сакавік 2009 г.)
Абрэвіятура	ШКАН
Дэвіз	Прасоўваць навукі
Дата ўтварэньня	2 чэрвеня 1739 (284 гады таму)
Тып	Навуковае
Юрыдычны статус	Грамадзкае аб’яднаньне
Мэта	Узмацненьне ўплыву навукі на грамадзтва
Штаб-кватэра	Стакгольм, праезд Малога Фрэскаці(sv), д. 4а
Месцазнаходжаньне	Стакгольм (Швэцыя)
Каардынаты
Дзейнічае ў рэгіёнах	Швэцыя
Сяброўства	635 навукоўцаў(uk), у тым ліку 175 замежных
Генэральны сакратар	Ёран Гансан(sv)
Кіроўны орган	Рада
Колькасьць супрацоўнікаў	32 (2015)
Сайт	kva.se

Заснавана ў 1739 шасьцю маладымі швэдзкімі навукоўцамі, прадпрымальнікамі і палітыкамі:

• натуралістам Карлам Лінэям,
• камэрсантам Юнасам Альстрэмэрам,
• інжынэрам і прадпрымальнікам Мортэнам Трывальдам,
• палітыкам Андэрсам Юганам фон Гёпкэнам,
• вучоным і палітыкам Стэнам Карлам Бількэ,
• палітыкам Карлам Вільгельмам Сэдэр’ельмам.

Узорам для стварэньня акадэміі паслужылі Лёнданскае каралеўскае таварыства і Каралеўская акадэмія навук Францыі.

Акадэмія прысуджае наступныя міжнародныя прэміі:

• Нобэлеўская прэмія па фізыцы
• Нобэлеўская прэмія па хіміі
• Прэмія памяці Нобэля па эканоміцы
• Крафардаўскія прэміі па астраноміі, матэматыцы, біялягічных навуках і лячэньні поліартрыту;
• Прэміі Рольфа Шока па лёгіцы і філязофіі;
• Прэмія Рыгора Амінофа па крышталяграфіі.

Сябры акадэміі

• Гэльгэ Ётрык Баклюнд
• Аксэль Крунстэт

Вонкавыя спасылкі

Швэдзкая каралеўская акадэмія навук — сховішча мультымэдыйных матэрыялаў

• Афіцыйны сайт (швэд.) (анг.)
• Навіны Швэдзкай каралеўскай акадэміі навук. № 4 за 2010 год (лістапад) (швэд.)