Цэле (Нямеччына)

Цэле (па-нямецку: Celle) — горад на поўначы Нямеччыны, у зямлі Ніжняй Саксоніі. Насельніцтва на 31 сьнежня 2011 году — 69 972 чалавекі. Горад вядомы як «паўднёвая брама» Люнэбурскае пустэчы і знакаміты сваім Старым горадам зь яго чатырма сотнямі фахвэркавых дамоў і замкам у стылях рэнэсанс і барока.

Цэле
ням. Celle
Замак Цэле
Герб Цэле Сьцяг Цэле
Краіна:	Нямеччына
Зямля:	Ніжняя Саксонія
Обэрбургамістар:	Дырк-Ульрых Мэндэ
Плошча:	176 км²
Вышыня:	40 м н. у. м.
Насельніцтва (2011)
колькасьць:	69 972 чал.
шчыльнасьць:	397,57 чал./км²
Часавы пас:	UTC+1
летні час:	UTC+2
Тэлефонны код:	5141, 5145, 5086
Паштовы індэкс:	29221–29229
Нумарны знак:	CE
Геаграфічныя каардынаты:	52°37′32″ пн. ш. 10°4′57″ у. д.
Цэле на мапе Нямеччыны Цэле
Галерэя здымкаў у Вікісховішчы
www.celle.de

Гісторыя

Цэле ўпершыню згадваецца ў 985 годзе. Ужо ў XI стагодзьдзі ён атрымаў права чаканіць сваю манэту, а ў 1301 годзе атрымаў гарадзкія прывілеі. У 1378 годзе Цэле становіцца рэзыдэнцыяй герцагаў Заксэн-Вітэнбэрскіх, а з 1433 году — князёў Люнэбурскіх. У 1524 годзе горад прымае Рэфармацыю. З 1665 да 1705 году, у час кіраваньня герцага Георга–Вільгельма, горад перажывае культурны росквіт. У 1705 годзе, пасьля сьмерці апошняга, Цэле пераходзіць да княства Браўшвайг-Люнэбург. У якасьці кампэнсацыі, ён становіцца месцам знаходжаньня шэрагу адміністрацыйных установаў гэтага княства, у тым ліку суд (нават у нашыя дні Зямельны сацыяльны суд Ніжняй Саксоніі і Брэмэну знаходзіцца ў Цэле).

Славутасьці

• Стары горад
• Гопэнэр гаўс — сярэднявечны, багатадэкараваны фахвэркавы дом
• Замак
• Царква Санкт-Марыен
• Старая ратуша (1579) у стылі Вэзэрскага рэнэсансу

Галерэя

• 
  Фахвэркавыя дамы ў Старым горадзе
• 
  Дом Гопэнэр гаўс
• 
  Старая ратуша
• 
  Выгляд на Стары горад
• 
  Цэле зімою

Вонкавыя спасылкі

• Афіцыйная старонка гораду Цэле