Фэлікс Гумен
Фэлікс Фёдаравіч Гу́мен (н. 28 сакавіка 1941, в. Кальцова Амурскай вобласьці, Расея) — беларускі мастак, адзін з пачынальнікаў Віцебскай школы акварэлі.
Фэлікс Гумен | |
| Дата нараджэньня | 28 сакавіка 1941 (83 гады) |
|---|---|
| Месца нараджэньня | |
| Месца вучобы | |
| Занятак | акварэліст |
| Месца працы | |
| Сябра ў | Беларускі саюз мастакоў |
| Плынь | Віцебская школа акварэлі[d] |
| Працы | «Сафійскі сабор у Полацку» (1967) |
| Пад уплывам | Іван Сталяроў |
Нарадзіўся ў сям’і вайскоўца-памежніка. У 1962 годзе скончыў Віцебскі пэдагагічны інстытут (цяпер Віцебскі дзяржаўны ўнівэрсытэт), ад 1965 да 1974 году выкладаў у ім. У 1965 годзе ўступіў у Саюз мастакоў СССР. З 1960-х быў добра вядомым у мастацтве[1]. У 1960-я гады працаваў у раскаваным, дынамічным стылі, з пэўнай экспрэсіяй[2]. На першых сваіх усесаюзных і рэспубліканскіх выставах папракаўся за непадобнасьць на натуру і за штучнае выкарыстаньне пэўнай гамы[3][2]. Многія ягоныя творы ўспымаліся як экспэрымэнтальныя[4][2]. Бум акварэлі ў 1970-х зьвязаны з прыходам у прафэсійнае мастацтва Фэлікса Гумена[5]. Пазьней Фэлікса Гумена абвінавачвалі ў адсутнасьці новых тэм, малым экспэрымэнтаваньні з тжхнікай і матэрыяламі[6][2]. Дапамагаў у стварэньні аб’яднаньня "Квадрат"[2]. Са складу саюза мастакоў выйшаў у 2006 г. Аўтар эмацыйна выразных, пераважна пленэрных пэйзажаў: «Сафійскі сабор у Полацку» (1967), «Наваполацак. Сонца над горадам» (1968), «Віцебскі дворык» (1975), «Ушацкія азёры» (1994), «Лагойшчына» (1995), "Раніца" (1995)[2] і інш. Нацюрморты Гумена вылучаюцца дакладнай перадачай формы і фактуры рэчаў: «Кветкі шыпшыны» (1967), «Камбала» (1970), «Клопаты гаспадыні» (1972), «Атрыбуты мастацтва» (1974), «Дзьмухаўцы» (1982), «Нацюрморт» (1990), «Званочкі зь яру» (1995), "Дэкаратыўны нацюрморт" (1995)[2] і інш. Для творчасьці характэрны шырокая манера пісьма, сакавіты колер, кантрасты сьвятла і ценю.
Паказваў акварэлі на выставе віцебскіх мастакоў, прысьвечанай II Усесаюзнаму фэстывалю польскай песьні, якая адкрылася 18 ліпеня 1990 году ў карціннай галерэі Віцебскага гарадзкога цэнтра культуры[7]. У красавіку 1991 году адбылася выстава-продаж акварэляў Фэлікса Гумена ў Віцебску[8]. У 1993 годзе паказваў свае працы на сумеснай выставе ў Нінбургу[9]. 24 чэрвеня 1993 году арганізаваў выставу адной карціны ў выставачнай залі музычнай гасьцёўні Віцебска[10]. У студзені 1994 году прадстаўляў свой жывапіс на сумеснай мастацкай выставе-продажы «Віцебская мазаіка» у Арт-цэнтры Марка Шагала[11]. На пачатку 1995 года ў Мастацкім музэі Віцебска прайшла сумесная выстава каля 20-ці мастакоў "Віцебская акварэль"[5].
Крыніцы
рэдагаваць- ^ Базан, Л. Ах, акварель, акварель // Витебский курьер. — 1991. — № 15. — С. 2.
- ^ а б в г д е ё Цыбульскі М. Фелікс Гумен у люстэрку эксперыменту // Мастацтва. — 1996. — № 10. — С. 20-21. — ISSN 0208-2551.
- ^ Забораў М. Напісана акварэльлю // ЛіМ. — 1966.
- ^ Бойка У. Што можа акварэль // ЛіМ. — 1969.
- ^ а б Базан, Л. Витебская акварель // Витебский Курьер. — 1995. — № 6. — С. 8.
- ^ Шкут М. У пейзажы, партрэце, нацюрморце // ЛіМ. — 1983.
- ^ Выставка витебских художников // Витебский курьер. — 1990. — № 7. — С. 7.
- ^ Картинная галерея городского центра культуры // Витебский курьер. — 1991. — № 14. — С. 1.
- ^ Две выставки и все в Германии // Витебский курьер. — 1993. — № 19. — С. 3.
- ^ Панорама // Витебский курьер. — 1993. — № 24. — С. 2.
- ^ «Витебская мозаика» // Витебский курьер. — 1994. — № 5. — С. 2.
Літаратура
рэдагаваць- Цыбульскі М. Л. Гумен Фелікс Фёдаравіч // БЭ. — Мн.: 1997 Т. 5. С. 532.
Вонкавыя спасылкі
рэдагаваць- Асабісты сайт Фэлікса Гумэна
- Гумен Феликс Фёдорович (рас.) Ассоциация «Город Витебск и Компания»
- Гумен, Феликс Фёдорович (рас.) Витебская энциклопедия