Уладзіслаў Полаз
Уладзіслаў Полаз (нар. 6 чэрвеня 2001) — беларускі футбаліст, паўабаронца мазырскай «Славіі».
| Уладзіслаў Полаз | ||
| Пэрсанальная інфармацыя | ||
|---|---|---|
| Нарадзіўся | 6 чэрвеня 2001[1] (23 гады) | |
| Рост | 177 см[1] | |
| Вага | 71 кг[1] | |
| Пазыцыя | паўабаронца | |
| Клюбная інфармацыя | ||
| Клюб | Славія Мазыр | |
| Нумар | 13 | |
| Клюбы | ||
| Гады | Клюб | Гульні (галы)¹ |
| 2021— | Славія Мазыр | 77 (6) |
|
¹ Колькасьць гульняў і галоў за прафэсійны клюб лічыцца толькі | ||
Кар’ера
рэдагавацьЗ шасьці гадоў займаўся футболам у мазырскай СДЮШАР-1. З 2019 году, па выхадзе «Славіі» ў Найвышэйшую лігу, пачаў выступаць за клюбны дубль, дзе быў капітанам. Зь лета 2020 году пачаў прыцягвацца і да асноўнага складу. Дэбютаваў за клюб 29 жніўня 2020 году ў матчы Кубка Беларусі супраць пінскай «Хвалі» (4:0), калі выйшаў на замену на 83-й хвіліне. У 2021 годзе пачаў рэгулярна зьяўляцца ў асноўнай камандзе. 14 траўня 2021 году ўпершыню згуляў у Найвышэйшай лізе, выйшаўшы на замену ў канцы сустрэчы з рэчыцкім «Спадарожнікам» (2:0). У далейшым працягваў часам выходзіць на замену. У сьнежні 2021 году падоўжыў кантракт з мазырскім клюбам[2].
Сэзон 2022 году пачынаў з лавы запасных, першы матч згуляўшы 9 красавіка 2022 году супраць менскага «Дынама». Свой першы гол у прафэсійнай кар’еры правёў 22 чэрвеня 2022 году ў матчы Кубка Беларусі супраць «Маладэчна». Футбаліст здолеў замацавацца ў асноўнай камандзе мазырчукоў, аднак усё яшчэ заставаўся гульцом замены. Ужо ў наступным сэзоне быў адным з ключавых у складзе, вызначыўшыся шасьцю забітымі галамі ва ўсіх турнірах. Першымі галамі ў Найвышэйшай лізе адзначыўся 14 красавіка 2023 году ў браму «Смаргоні». У канцы 2024 году падпісаў новы кантракт з «Славіяй»[3][4].
Крыніцы
рэдагаваць- ^ а б в г д е ё ж з https://fcslavia.by/ru/player/poloz-0
- ^ Футбол. "Славия" продлила контракт с Владиславом Полозом Праверана 4 сакавіка 2022 г. Архіўная копія ад 4 сакавіка 2022 г.
- ^ Владислав Полоз продлил контракт со "Славией" (рас.). Football.by (2024-12-30). Праверана 2025-03-08 г.
- ^ Полузащитник Владислав Полоз продолжит выступать за "Славию" (рас.). Прессбол (2024-12-30). Праверана 2025-03-08 г.
Вонкавыя спасылкі
рэдагаваць- Профіль (анг.) на Transfermarkt
- Профіль (анг.) на Soccerway