Белы Алесь (Аляксандр Валерыянавіч, н.17.02.1968, г. Мінск) беларускі гісторык. Скончыў Беларускі палітэхнічны інстытут (1989), Кінгстанскую школу бізнэса ў Вялікабрытаніі (1996). Аспірант Магілёўскага дзярж. універсітэта імя А. Куляшова (2005). Даследую гісторыю вобразаў; гісторыю картаграфіі; іканаграфію ВКЛ Сярэднявечча і Новага часу; гісторыю дыпламатыі і замежных сувязяў ВКЛ; уплыў заходнееўрапейскіх культурных, тэхналагічных і эканамічных рэалій на фарміраванне матэрыяльнай і духоўнай культуры Беларусі. Займаюся вывучэннем гісторыі і спрабую рэканструюваць традыцыйную кулінарыю і гастранамію Беларусі. Кн. «Хроніка Белай Русі: нарыс гісторыі адной геаграфічнай назвы» (Мн., 2000) – дэталёвая рэканструкцыя эвалюцыі зместа назвы «Белая Русь» у сістэмах геаграфічных ведаў розных народаў і эпох на падставе заходнееўрапейскіх тэкставых і картаграфічных крыніц 6-18 ст. Лаўрэат прэміі беларускага ПЭН-цэнтра імя Ф. Багушэвіча 2001 г. Аўтар шматлікіх артыкулаў па гіст. Беларусі ў часопісе «Спадчына» і Энцыклапедыі гісторыі Беларусі, у англ. часопісах, радыёпраграмаў серыі «Беларуская Атлантыда». Cу-аўтар (з Алесем Матафонавым) дакументальнага цыкла Беларускага тэлебачання (БТ) “Маем Рэчы”.
Хатняя старонка
кантакт: bely@infonet.by
