Тросьненская бітва
Тросьненская бітва 1368 году — паміж войскам ВКЛ на чале зь вялікім князем Альгердам і старажавым атрадам Маскоўскага княства.
Тросьненская бітва 1368 году | |||||||||
|---|---|---|---|---|---|---|---|---|---|
| |||||||||
Супернікі | |||||||||
| Вялікае княства Літоўскае | Маскоўскае княства | ||||||||
Камандуючыя | |||||||||
| Альгерд | Дзьмітры Мінін Акінф Шуб | ||||||||
Адбылася 21 лістапада 1368 году (у аўторак, на Ўвядзеньне; некаторыя крыніцы падаюць памылковую дату 21 сьнежня) на рацэ Тросьне. Кампанія 1368 году («первая Литовщина» маскоўскіх летапісаў) была распачата Альгердам у падтрымку саюзнага ВКЛ Цьвярскога княства. Раптоўнае зьяўленьне войска ВКЛ «в силе тяжце» з паўднёвага захаду (якое чакалася з боку Ржэвы), забясьпечанае поўнай сакрэтнасьцю руху войска, засьпела маскоўскага вялікага князя Дзьмітрыя і яго саюзьнікаў зьнянацку. Першую перамогу літоўскае войска атрымала над князем Сямёнам Дзьмітрыевічам Cтарадубскім-Крапівай на рацэ Хоўхал (левы прыток ракі Пратвы), затым — над абаленскім князем Канстанцінам Юр’евічам і наблізілася да Масквы, дзе на рацэ Тросьне (левы прыток ракі Нары) яе сустрэла «застава» на чале з ваяводамі Дзьмітрыем Мініным і Акінфам Шубам. Цяжкаўзброеная літоўская коньніца ўшчэнт разграміла лёгкую, дрэнна ўзброеную і тактычна недасьведчаную маскоўскую, абодва ваяводы і амаль усе ратнікі былі забітыя ці ўтапіліся ў Тросне. Перамога ў Тросьненскай бітве адкрыла Альгерду шлях на Маскву, трохдзённая аблога якой была, аднак, беспасьпяховай (за год да гэтага быў пабудаваны мураваны Маскоўскі Крэмль).
Тросьненская бітва — найбольш буйная перамога ВКЛ над Маскоўскім вялікім княствам у XIV стагодзьдзі.
Глядзіце таксама
рэдагавацьЛітаратура
рэдагаваць- Алесь Белы // Вялікае княства Літоўскае: Энцыклапедыя. У 3 т. / рэд. Г. П. Пашкоў і інш. — Мн.: Беларуская Энцыклапедыя, 2005. — Т. 2: Кадэцкі корпус — Яцкевіч. — 788 с. — ISBN 985-11-0378-0
- ПСРЛ. Т. 15, 1. Пг., 1922. стб. 88.; Т. 25. М.-Л., 1949. с. 185; Т. 28. М.-Л., 1965. сс. 75, 237.
Вонкавыя спасылкі
рэдагаваць- Арыгінальны артыкул(недаступная спасылка)