Таўталёгія (рыторыка)

Таўталё́гія (па-старажытнагрэцку: ταυτολογία) — паўтарэньне блізказначных словаў або выразаў. Напрыклад:

Ці сьвет, ці сьвітае,

Ці на зоры займае?

Таўталёгія зьвяртае ўвагу чытача (слухача) твора на нейкую думку, удакладняе яе, дапамагае ўзмацніць рытмічнасьць мовы, надаць ёй большую эмацыянальнасьць. Асабліва часта таўталёгія ўжываецца ў народнай паэзіі. Ужытая недарэчы таўталёгія можа зьбедніць выказваньне, абясцэніць яго. Часам таўталёгію называюць плеаназмам.

Літаратура

• Рагойша В. П. Паэтычны слоўнік. — 3-е выд., дапрац. і дапоўн. — Менск: Беларуская навука, 2004. — 576 с. — 2000 ас. — ISBN 985-08-0598-6
• Рагойша В. П. Тэорыя літаратуры ў тэрмінах. — Менск: Беларуская энцыклапедыя, 2001. — 384 с. — 1000 ас. — ISBN 985-11-0197-4