Сьцяг Манака
Прапорцыі: 4:5. Уяўляе сабой палотнішча зь дзьвюма роўнавялікімі палосамі, разьмешчанымі гарызантальна. Зьверху — паласа чырвонага колеру, зьнізу — белага.
Прыняты ў 1881 годзе. Колеры сьцягу зьвязаныя з колерамі княжага роду Грымальдзі, прадстаўнікі якога кіруюць княствам з эпохі сярэднявечча. Манацкія сьцягі чырвоных і белых гербавых колераў вядомыя з 1339 году. У XIV—XVIII стагодзьдзях яны ўяўлялі сабой палотнішча з чырвоных і белых ромбаў альбо былі белымі з поўным гербам у цэнтры. Апошні сьцяг афіцыйна лічыцца ўрадавым, хоць вывешваецца рэдка. У канцы XVIII стагодзьдзя Манака было далучана да Францыі, але ў 1814 годзе пасьля падзеньня Напалеона кіраваньне дынастыі Грымальдзі ў Манака было адноўлена. Тады жа зьявіўся і цяперашні манацкі сьцяг, атрымалы малюнак у выглядзе дзьвюх гарызантальных палос чырвонага і белага колераў. Афіцыйна ён зацьверджаны толькі ў 1881 годзе. Падабенства сьцягоў Манака і Інданэзіі паслужыла падставай для дыпляматычнага канфлікту. Калі ўраду Манака стала вядома, што Інданэзійская Рэспубліка ў 1945 годзе прыняла такі жа, як у Манака, сьцяг, яно заявіла па гэтай падставе афіцыйны пратэст. Аднак пратэст быў адхілены на той падставе, што сьцяг Інданэзіі па паходжаньні зьяўляецца яшчэ больш старажытным, чым сьцяг Манака.
Вонкавыя спасылкі
рэдагаваць
Сьцяг Манака — сховішча мультымэдыйных матэрыялаў