Сьцяг Босьніі і Герцагавіны

	Сьцяг Босьніі і Герцаґавіны
	Босьнія і Герцагавіна
	Сьцяг Босьніі і Герцаґавіны
Прапорцыі	5:3
Прыняты	4 лютага 1998
Аўтар	Карлас Вестэндорп

Гэты сьцяг Босьніі і Герцагавіны быў прызначаны адмысловым прадстаўніком ААН пасьля таго, як парлямэнт краіны ня змог спыніцца на адным з трох прадстаўленых варыянтаў. Усе сьцягі выкарыстоўвалі адныя і тыя ж колеры: блакітны — колер Арганізацыі аб’яднаных нацыяў, але ён быў заменены на больш цёмны. Зоркі ўяўляюць Эўропу. Трыкутнік сымбалізуе тры асноўныя групы насельніцтва краіны (мусульманаў, харватаў і сэрбаў) і абрысы краіны на мапе.

Праекты сьцяга

Пасьля Дэйтанскага пагадненьня ўзьнікла пытаньне выбару новага сьцяга краіны. Гэта было выклікана незадаволенасьцю выкарыстаньнем сымболікі Рэспублікі Босьнія й Герцаґавіна з боку сэрбаў і харватаў, якая, як яны лічылі, прадстаўляе толькі басьнійцаў. У ліку іншых былі прадстаўленыя наступныя варыянты:

Праект 1: «Чэшскі ўзор» — сьцяг накшталт сьцяга Чэхіі, колеры якога адлюстроўваюць 3 асноўныя нацыі Босьніі й Герцаґавіны.
Праект 2: Галіна лаўра на сьветла-блакітным фоне, галіна лаўра і колер сьцяга сымбалююць Арґанізацыю Аб'яднаных Нацыяў.
Праект 3: Контуры краіны на сьветла-блакітным фоне.
Праект 4: Чырвона-бела-сіні сьцяг, накшталт сьцяга Рэспублікі Конґа, з мапаю краіны ў асяродзьдзі зорак на белай паласе.
Праект 5: Праект, які пасьля стаў афіцыйным сьцягам Босьніі й Герцаґавіны, таксама падчас выбару парляментам сьцяга, альтэрнатыву яму складалі праект 6 і праект 7.