Сьняданак у Тыфані (раман)
«Сьняда́нак у Ты́фані» — раман амэрыканскага пісьменьніка Трумэна Капотэ, самы знакаміты яго твор[1] . Упершыню выдадзены ў 1958 годзе[2].
| «Сьняданак у Тыфані» | |
| па-ангельску: Breakfast at Tiffany's | |
| Жанр: | проза, сацыяльная камэдыя |
|---|---|
| Аўтар: | Трумэн Капотэ |
| Мова арыгіналу: | ангельская |
| Год напісаньня: | 1958 |
| Публікацыя: | 1958 |
| Выдавецтва: | Random House[d] |
| Электронная вэрсія | |
Сюжэт
рэдагавацьПадзеі адбываюцца ў Нью-Ёрку[2]. У рамане апісваецца аднагадовае сяброўства маладой 18-19 гадовай дзяўчыны Голі Галайтлі зь безназоўным апавядальнікам. Голі часта наведвае сьвецкія мерапрыемствы ў пошуках багатых і пасьпяховых мужчынаў. Яна падзяляецца з апавядальнікам самымі прынаднымі падрабязнасьцямі свайго жыцьця і адкрытымі меркаваньнямі пра Нью-Ёрк.
Эксцэнтрычную маладую дзяўчыну вабіць сьвет багатых людзей, зіготкіх пераліўнымі агнямі дыямэнтавых калье. Голі кіруецца ў сваіх учынках толькі голасам сэрца. Яна спалучае ў сабе чароўнае абаяньне сапраўднай жанчыны і дзіцячую наіўнасьць. Голі быццам увасабляе ў сабе сутнасьць Нью-Ёрку — гораду, ў якім мары адгароджаны вабнымі вітрынамі крамаў і кавярняў[1].
Экранізацыя
рэдагавацьУ 1961 годзе адбылася экранізацыя рамана з Одры Гэпбэрн у галоўнай ролі[1].
Крыніцы
рэдагаваць- ^ а б в Роман Т.Капоте “Завтрак у Тиффани” (рас.) Праверана 17 сакавіка 2013 г.
- ^ а б Завтрак у Тиффани (рас.) Праверана 17 сакавіка 2013 г.
На гэты артыкул не спасылаюцца іншыя артыкулы Вікіпэдыі. Калі ласка, прастаўце спасылкі на яго ў іншых артыкулах. |