Стыў Розэнбэрг

Стыў Розэнбэрг
	Стыў Розэнбэрг
Імя пры нараджэньні	Steve Rosenberg
Род дзейнасьці	журналіст
Дата нараджэньня	1968
Месца нараджэньня	Эпінг[d], Эсэкс[d], Эсэкс, Ангельшчына, Вялікабрытанія;
Грамадзянства	Вялікабрытанія
Месца вучобы	Лідскі ўнівэрсытэт
Занятак	журналіст, карэспандэнт
Месца працы	Маскоўскае бюро BBC

Стыў Розэнбэрг (па-ангельску: Steve Rosenberg, нарадзіўся ў 1968 годзе) — журналіст брытанскага тэлеканалу BBC, у якім ён спэцыялізуецца на Ўсходняй Эўропе.

Паходжаньне рэдагаваць

Розэнбэрг нарадзіўся ў 1968 годзе ў брытанскім горадзе Эпінг і гадаваўся у Чынгфардзе на поўначы Лёндану. Прадзед Розэнбэрга Хаім Гнесін паходзіў зь беларускага Шклова. 18 ліпеня 1894 году ва ўзросьце 24 гадоў ён эміграваў у Вялікую Брытанію з Расейскай імпэрыі праз балтыйскі порт Лібаву (цяперашняя Ліепая).

Розэнбэрг зацікавіўся радзімай прадзеда ў дзяцінстве, і ў 1990 годзе пабываў у Шклове^[1].

Адукацыя і кар’ера рэдагаваць

У 1991 годзе Стыў Розэнбэрг скончыў Лідскі ўнівэрсытэт па спэцыяльнасьці «русістыка» і выправіўся ў Маскву. Першапачаткова ён уладкаваўся працаваць выкладчыкам ангельскай мовы ў Расейскі дзяржаўны тэхналягічны ўнівэрсытэт. Але неўзабаве пачаў працаваць у маскоўскай рэдакцыі амэрыканскага каналу CBS. Там Розэнбэрг правёў шэсьць гадоў — спачатку працаваў перакладчыкам, затым асыстэнтам прадусара, і ўрэшце атрымаў пасаду прадусара. З 1994 па 1996 гады знаходзіўся ў складзе здымачнай групы і асьвятляў вайну ў Чачэніі.

У 1997 годзе Розэнбэрг стаў прадусарам маскоўскага бюро BBC, а праз тры гады — карэспандэнтам тэлеканалу ў Маскве. Ён асьвятляў крушэньне падводнай лодкі «Курск», тэракт у тэатры на Дуброўцы і захоп закладнікаў у школе ў Бяслане. У 2015 годзе Розэнбэргу і яшчэ некалькім журналістам урад Украіны забараніў уезд у краіну, убачыўшы ў іх працы «пагрозу нацыянальным інтарэсам» і прапаганду «тэрарыстычнай дзейнасьці». Аднак, пасьля таго як BBC назвала забарону «ганебным нападам на свабоду СМІ», ужо празь дзень украінскія ўлады яе адмянілі.^[1]

Інтэрвію з Лукашэнкам рэдагаваць

У лістападзе 2021 году Розэнбэрг узяў інтэрвію ў Аляксандра Лукашэнкі, у якім, сярод іншага, выцягнуў прызнаньне аб дапамозе беларускіх уладаў нелегальным мігрантам незаконна трапіць у Эўразьвяз^[2].

Крыніцы рэдагаваць

^ ^а ^б «Мае прадзеда са Шклова, асьвятляў тэракт у Беслане і крушэньне «Курска». Расказваем пра журналіста Стыва Розэнбэрга, які раззлаваў Лукашэнку», Радыё Свабода, 23 лістапада 2021.
^ «Belarus’s Lukashenko tells BBC: We may have helped migrants into EU, by Steve Rosenberg [Лукашэнка (Беларусь) кажа ББС: Мы маглі дапамагчы мігрантам трапіць ў ЭЗ]. BBC News. 19 лістапада 2021

	Дзеля паляпшэньня артыкулу неабходна: выправіць якасьць перакладу. дадаць катэгорыі.

[:0-1] а ^б «Мае прадзеда са Шклова, асьвятляў тэракт у Беслане і крушэньне «Курска». Расказваем пра журналіста Стыва Розэнбэрга, які раззлаваў Лукашэнку», Радыё Свабода, 23 лістапада 2021.

[2] «Belarus’s Lukashenko tells BBC: We may have helped migrants into EU, by Steve Rosenberg [Лукашэнка (Беларусь) кажа ББС: Мы маглі дапамагчы мігрантам трапіць ў ЭЗ]. BBC News. 19 лістапада 2021

[1]

[2]