Раман

Рама́н — эпічны літаратурны жанр, як правіла празаічны.

Тэрмін "раман" паходзіць ад францускага romanz альбо roman, што зьяўляецца скаротам лацінскага выразу romanice loqui — "гаварыць па-раманску", то бок на нэалацінскай мове. Паняткам "conte roman" пачалі называцца творы, напісаныя на народнай мове (замест агульнапрынятай лаціны).

Раман адрозьніваецца ад навэлы, аповесьці і апавяданьня сваёй працягласьцю і большай складанасьцю, больш дэтальнай распрацоўкай дзеяньня і абставінаў, большай колькасьцю герояў. Аднак існуюць і кароткія раманы, таксама як і доўгія апавяданьні.