Касьцёл Сьвятога Антонія Падуанскага і кляштар францішканаў (Наваградак): розьніца паміж вэрсіямі

'''Касьцёл Сьвято́га Анто́нія Падуа́нскага і кля́штар францішка́наў'''  — помнік архітэктуры XVIII ст. у [[Наваградак|Наваградку]]. Знаходзіцца на гістарычнай Францішканскай вуліцы{{Заўвага|Цяперашні афіцыйны адрас — ''вуліца Гарадзенская, 6''}}. У 2-й палове XIX ст. улады [[Расейская імпэрыя|Расейскай імпэрыі]] гвалтоўна [[Мураўёўкі|перарабілі касьцёл пад царкву]] [[Маскоўскі патрыярхат|Маскоўскага патрыярхату]]. Твор архітэктуры [[барока]], мастацкае аблічча якога пацярпела ў выніку [[мураўёўкі|надбудовы]] [[купал-цыбуліна|купалоў-цыбулінаў]]. Аб’ект [[Дзяржаўны сьпіс гісторыка-культурных каштоўнасьцяў Рэспублікі Беларусь|Дзяржаўнага сьпісу гістарычна-культурных каштоўнасьцяў Беларусі]].

У наш час у будынку касьцёла месьціцца '''катэдральны сабор Сьвятога Мікалая''' [[Беларускі экзархат Маскоўскага патрыярхату|Беларускага экзархату Маскоўскага патрыярхату]], у кляштарным корпусе  — жыльлё.

Касьцёл  — 3-[[нэф]]авая [[базыліка]] з 5-граннай [[алтар]]най [[апсыда]]й. Галоўны фасад падзяляецца разьвітым [[антаблемэнт]]ам на тры ярусы, сьцены цэнтральнага нэфа  — [[пілястра]]мі. Бакавыя фасады праразаюцца высокімі аконнымі праёмамі, разьмешчанымі на двух узроўнях. Трэці ярус  — невысокая вежа-званіца з [[купал]]ком на 8-гранным [[барабан (архітэктура)|барабане]]. Вокны галоўнага фасаду (з паўцыркульным і [[арка]]вым завяршэньнем) упрыгожваюць [[вітраж]]ы. У тоўшчы сьцяны галоўнага фасаду дзьве вітыя лесьвіцы, якія вядуць на званіцу. Бакавыя нэфы перакрываюцца [[крыжовыя скляпеньні|крыжовымі скляпеньнямі]], цэнтральны  — [[Цыліндрычныя скляпеньні|цыліндрычнымі]] з [[распалубка]]мі.

Кляштарны корпус  — 2-павярховы Г-падобны ў пляне будынак. Галоўны фасад (з уваходам у цэнтры) рытмічна падзяляецца прастакутнымі вокнамі. На паўднёвым тарцовым фасадзе вонкавыя мураваныя сходы, агароджаныя падпорнай сьцяной і ўмацаваныя масіўным [[контрфорс]]ам. Плян калідорны. Перакрываецца ў асноўным крыжовымі скляпеньнямі.

[[Катэгорыя:Праваслаўныя храмы Наваградку‎Наваградку]]