Алег Бембель: розьніца паміж вэрсіямі

{{пісьменьнік}}

{{Цёзкі|Бембель}}

 

== Жыцьцяпіс ==

Сын вядомага разьбяра [[Андрэй Бембель|Андрэя Бембеля]]. Чалец [[КПСС]] (да 1986). Скончыў [[Беларуская дзяржаўная акадэмія музыкі|Беларускую дзяржаўную кансэрваторыю]] (1969)<ref name="fnадук">Таксама навучаўся «некалькі гадоў» у [[БПІ]] й у 1959—1963 у [[Менскі дзяржаўны музычны каледж імя М. І. Глінкі|Менскай музычнай вучэльні]]. Łarysa Androsik. Biembiel Aleh // Słownik dysydentów.</ref>, асьпірант [[Інстытут філязофіі й права АН БССР|Інстытуту філязофіі й права]] [[АН БССР]] (1971—1974); дысэртацыя аб народных і інтэрнацыянальных элемэнтах у літаратуры не была абароненая, таму што працу прызналі «нацыяналістычнай»<ref name="fnандросік">Łarysa Androsik. Biembiel Aleh // Słownik dysydentów.</ref>. Працаваў на [[Беларускае тэлебачаньне|тэлебачаньн]]і (1983—1984); у Акадэміі навукаў БССР (1984—1986). За выданьне ў Лёндане сваёй працы быў рэпрэсаваны ў 1986 року. Чалец Саюзу пісьменьнікаў БССР/Беларусі (1989). Працаваў у Нацыянальным навукова-дасьледчым цэнтры імя Скарыны (з 1991). З 1996 ― у послуху ў [[Жыровіцкі манастыр|праваслаўным манастыры]] ў Жыровічах.

 

 

У тэарэтычнай частцы сваёй працы Бембель зацьвярджаў, грунтуючыся на прынцыпах [[экалёгія культуры|экалёгіі культуры]], што ва ўмовах узмацненьня маральнай і эстэтычнай [[паўпэрызацыя|паўпэрызацыі]] чалавека яго родная мова, як найбольш унівэрсальнае й цэльнае выражэньне [[этас]]у й эстэтыкі народу, можа й павінна стацца магутным сродкам адраджэньня й захаваньня духоўнасьці чалавека. Таксама ў працы востра крытыкаваліся савецкая [[моўная палітыка]] й адмоўна ацэньвалася дзейнасьць дзеячаў культуры, адказных за ахову беларускае мовы.

 

 

Напрыканцы 1980-х ― пач. 1990 р.р. Алег Бембель стаў актыўным удзельнікам беларускага нацыянальнага руху; пад мянушкай «Зьніч» публікаваў свае вершы ў самвыдаце й незалежнай прэсе (паэзія Алега Бембеля выдавалася ў ЗША й Польшчы). У 1989 супрацоўнічаў з часопісам «Праваслаўная думка»; як літаратурны дадатак да часопіса, зборнік вершаў Бембеля «Малітвы за Беларусь» быў упершыню выдадзены ў Беларусі. У [[Жыровіцкі манастыр|Жыровіцкім манастыры]] выдаваў рэлігійна-культурны часопіс «Жыровіцкая абіцель».

== Літаратура ==

* Łarysa Androsik. Biembiel Aleh // Słownik dysydentów // [http://www.karta.org.pl/Biogram1.asp%3FKategoriaID=53&ProduktID=167.html Fundacja Osrodka KARTA {{ref-pl}}].

* [http://www.duhvestnik.by/187_lyuba.htm Пра паэзію інака Мікалая (Бембеля)]

 

{{DEFAULTSORT:Бембель, Алег Андрэевіч}}

[[Катэгорыя:Беларускія публіцысты]]

[[Катэгорыя:Беларускамоўныя паэты і паэткі‎]]