Талінская фондавая біржа

Талінская фондавая біржа — фондавая біржа ў Таліне, Эстонія, якая ўваходзіць да бірж NASDAQ OMX Group. Галоўным фондавым індэксам біржы быў TALSE, пазьней перайменаваны ў OMX Tallinn. Біржа ёсьць адзіным рэгуляваным другасным рынкам каштоўных папер у Эстоніі. Выкарыстоўвае гандлёвыя платформы INET і SAXESS, якімі адначасова апэруюць біржы Швэцыі, Фінляндыі, Даніі, Ісьляндыі, Латвіі і Летувы.

Талінская біржа была створана у красавіку 1995 г. на базе Эстонскага цэнтральнага дэпазыторыя каштоўных папер высілкамі 10 камерцыйных банкаў, 9 брокерскіх фірм і некаторых дзяржаўных устаноў (Банка Эстоніі і Міністэрства фінансаў). Першы гандлёвы дзень адбыўся 31 траўня 1996 г., а індэкс упершыню быў падлічаны 3 чэрвеня 1996 г. Тады ў лістынг трапілі каштоўныя паперы ад 11 эмітэнтаў.

У красавіку 2001 г. стратэгічнае кіраўніцтва біржай перайшло да фінскай HEX Group, якая ў 2003 г. зьлілася зы швэдзкай OM, утварыўшы разам новую біржу OMX. У 2008 г. праз зьліццё OMX з NASDAQ Талінская фондавая біржа перайшла пад кантроль NASDAQ OMX.

Кампаніі, акцыямі якіх гандлююць на біржы

Па стане на красавік 2015 г.

Галоўны сьпіс

• Arco Vara (тызер ARC1T)
• Baltika (BLT1T)
• Ekspress Grupp (EEG1T)
• Harju Elekter (HAE1T)
• Merko Ehitus (MRK1T)
• Nordecon (NCN1T)
• Olympic Entertainment Group (OEG1T)
• PRFoods (PRF1T)
• Silvano Fashion Group (SFG1T)
• Skano Group (SKN1T)
• Tallink Grupp (TAL1T)
• Tallinna Kaubamaja Grupp (TKM1T)
• Tallinna Vesi (TVEAT)

Другасны сьпіс

• Pro Kapital Grupp (PKG1T)
• Trigon Property Development (TPD1T)

Спасылкі

• Афіцыйная бачына біржы (у складзе агульнай пляцоўкі OMXBaltic)