Антыхрыст

Антыхрыст — пэрсанаж хрысьціянскай эсхаталёгіі, біблейскіх, царкоўных і іншых прароцтваў аб апошнія дні сьвету. Згодна зь якімі ён будзе чалавекам незвычайных здольнасьцяў, ведаў і ўменьняў, які будзе мець ўсю сілу сатаны (ня будучы апантаным) і дзейнічаць цалкам вольна супраць Царквы, хрысьціянаў і ўсяго чалавецтва. І якога большасьць людзей прыме за мэсію й будзе ўсясьветным дзяржаўным кіраўніком.

Антыхрыст на фрэсцы ў Асагоўскім манастыры, Рэспубліка Македонія

У шырокім сэнсе антыхрыстам называюць усіх хто пярэчыць Хрысту або сьцвярджае, што зьяўляецца мэсіяй (збавіцелем чалавецтва) або прадаўжальнікам справы Хрыста. Антыхрыстам называлі імпэратара Нэрона, прарока Мухамада, заваёўніка Тамэрлана, расейскага цара Пятра I, імпэратара Напалеона Банапарта, важакоў Францускай рэвалюцыі, расейскіх бальшавікоў і мэксыканскіх рэвалюцыянэраў. Гэта значыць тых хто выкарыстоўваў гвалт дзяржавы ў веравызнаўчай сфэры, у прыватнасьці ў барацьбе з хрысьціянствам.

Таксама часьцяком такім тэрмінам карысталіся ў палітычнай і міжканфэсійнай барацьбе з мэтай ачарненьня сваіх апанэнтаў. У чыста філязофскім сэнсе антыхрыст ёсьць вышэйшая праява чалавечага сябелюбства.

Вонкавыя спасылкі

Антыхрыст — сховішча мультымэдыйных матэрыялаў

• Антыхрыст. Каталіцкая энцыкляпэдыя  (анг.)
• Антыхрыст. OrthodoxWiki  (анг.)
• Лютэранскія працы наконт антыхрыста.  (анг.)
• Антыхрыст. Габрэйская энцыкляпэдыя  (анг.)
• Антыхрыст. Britannica  (анг.)