Сэм’юэл Ўорд

Сэм’юэл Ўорд (па-ангельску: Samuel Ward; 1732—1820) — уладальнік маёмасьці ў Дэрбі і Рычмандзе ў Ангельшчыне. Яшчэ хлопчыкам, Сэм’юэл быў дэгустатарам у Красунчыка прынца Чарлі. Ўорд быў узнагароджаны каштоўным алмазным кальцом і пазьней быў намаляваны Джозэфам Райтам. Партрэт і кальцом цяпер захоўваюцца ў зборах Музэю і мастацкай галерэі Дэрбі.

Сэм’юэл Ўорд
Samuel Ward
Сэм'юэл Ўорд, партрэт работы Джозэфа Райта
Дата нараджэньня	1732
Месца нараджэньня	Дэрбі
Дата сьмерці	1820
Грамадзянства	Вялікабрытанія
Сэм’юэл Ўорд у Вікісховішчы

Біяграфія

Ўорд жыў у Дэрбі. Калі 4 сьнежня 1745 году Карл Эдўард Ст’юарт заставаўся ў Эксэтэр Гаўсе ў Дэрбі, ягоная маці дазволіла Сэм'юэлу быць дэгустатарам ежы маладога прэтэндэнта. У часе свайго непрацяглага занходжаньня, малады прэтэндэнт на ангельскі пасад вырашыў адмовіцца ад барацьбы за карону Ангельшчыны, і да таго, як пакінуць маёнтак, даў маці Сэм'юэла алмазнае кальцо ў падзяку за аказаную службу. Залатое кальцо складалася з аднаго буйнога алмаза, аточнага дзесяцьцю драбнейшым алмазамі. Рашэньне на ўцёкі ў Шатляндыю азначала нежаданьне маладога прэтэндэнта атрымаць карону Георга II. Пазьней войска Карла Ст'юарта было разьбіта ў 1746 годзе ў бітве пры Каладэне.

Ўорд па адбыцьці прынца стаў бізнэсмэнам у Дэрбі і быў намаляваны Джозэфам Райтам каля 1781 году. Падараванае кальцом засталося за ягонымі нашчадкамі, а карціна захоўваецца ў зборах Музэю і мастацкай галерэі Дэрбі. Нататкі, якія дайшлі разам з карцінай апісвалі Ўорда як чалавека «з Дэрбі, але пазьней з Рычманду». Ягоная жонка была з Рычманду і ён валодаў маёмасьцю і там, і ў Дэрбі.

Гісторыя

Першыя зьвесткі пра партрэт фігуруюць у рахунках Джозэфа Райта 1781 году, дзе той ацэньвае кошт карціны ў дванаццаць гінэяў. Карціна Джозэфа Райта заставалася ў сям'і Ўордаў да сьмерці Сары Ўорд у 1947 годзе, пасьля чаго партрэт быў падараваны Мастацкай галерэі Дэрбі.