Савецкая РУУС (Менск)
Савецкая раённая ўправа унутраных справаў места Менску (скарочана: Савецкая РУУС м. Менску) — РУУС у Савецкім раёне Менску.
Падпарадкоўваецца ГУУС Менгарвыканкаму. Разьмяшчаецца пад адрасам: завулак Якуба Коласа, 3[1].
Катаваньні рэдагаваць
- Існуюць дакумэнтальныя сьведчаньні (фотаздымкі), што 8 лістапада 2020 году ва ўнутраным двары Савецкай РУУС м. Менску больш за тры гадзіны трымалі дзясяткі затрыманых удзельнікаў мірных пратэстаў, якія стаялі тварам да сьцяны з паднятымі рукамі за сьпінамі. Згодна з Працэсуальна-выканаўчым кодэксам аб адміністрацыйных правапарушэньнях фізычная асоба, у дачыненьні да якой ужываецца адміністрацыйнае затрыманьне, тэрмін якога цягнецца больш за тры гадзіны, мусіць утрымліваецца ў месцах, вызначаных органамі, якія вядуць адміністрацыйны працэс. Гэтыя месцы вызначаюцца Правіламі ўтрыманьня фізычных асобаў, у дачыненьні да якіх ужываецца адміністрацыйнае затрыманьне, дзе падаецца вычарпальны сьпіс адпаведных памяшканьняў, сярод якіх няма ўнутраных двароў РУУС[2]. Паводле сьведчаньняў затрыманых, у дачыненьні да іх учыняліся катаваньні[3].
- Грамадзянін Ізраілю Аляксандар Фруман, якога ў жніўні затрымалі ў Менску на 78 гадзінаў, засьведчыў катаваньні ў Савецкай РУУС. 13 лістапада 2020 году ён падаў заяву ў ізраільскую паліцыю на супрацоўнікаў РУУС з мэтай правядзеньня расьсьледаваньня і прыцягненьня вінаватых да адказнасьці, у тым ліку празь міжнародны вышук[4].
Крыніцы рэдагаваць
- ^ Савецкае РУУС(недаступная спасылка)
- ^ Гуштын А. Внутреннего двора РУВД в списке мест содержания нет. Задержанных часами держали на улице с поднятыми руками, TUT.BY, 9.11.2020 г.
- ^ «Гэта было катаванне, адназначна». Што адбывалася ў дворыку Савецкага РУУС, дзе людзі гадзінамі стаялі на холадзе з паднятымі рукамі?, Наша Ніва, 14 лістапада 2020 г.
- ^ Ізраільцянін, які перажыў катаваньні з боку сілавікоў у Менску, падаў заяву ў паліцыю Ізраілю, Радыё Свабода, 13 лістапада 2020 г.
Вонкавыя спасылкі рэдагаваць
- Савецкая РУУС(недаступная спасылка)
| РУУС | |
|---|---|