Рэгіёны Турэччыны
Правінцыі (ілы) Турэччыны згрупаваныя ў 7 геаграфічных рэгіёнаў (па-турэцку: bölge) паводле рашэньня Першага геаграфічнага кангрэсу (Анкара, 1941). Пры вызначэньні рэгіёнаў Кангрэс зыходзіў з фактаў акружэньня Турэччыны з трох бакоў морамі і наяўнасьці горных хрыбтоў, што ляжаць раўналежна ўзьбярэжжам і закрываюць цэнтральныя раёны краіны ад уплыву марскога клімату. Засноўваючыся на гэтых фактарах і прааналізаваўшы кліматычныя, расьлінныя і агранамічныя асаблівасьці, Кангрэс выдзеліў чатыры прыморскіх і тры цэнтральных рэгіёны. Прыморскія былі названыя ў адпаведнасьці з морам, да якога выходзяць (Чарнаморскі, Мармуроваморскі, Эгейскі і Міжземнаморскі рэгіёны), а цэнтральныя — адпаведна разьмяшчэньню ў Анатоліі (Цэнтральная, Усходняя і Паўднёва-Ўсходняя Анатолія).
Рэгіёны вызначаны выключна для статыстычных мэтаў і не зьяўляюцца адміністрацыйнымі адзінкамі.
Вонкавыя спасылкі
рэдагаваць
Рэгіёны Турэччыны — сховішча мультымэдыйных матэрыялаў