Пётар Сушко

беларускі літаратар

Пётар (Пятро) Сушко (1 студзеня 1937, вёска Сушкі, Мёрскі раён20 лістапада 1996) — беларускі паэт, перакладчык, сябра Саюзу пісьменьнікаў з 1984 году.

Пётар Сушко
Асабістыя зьвесткі
Нарадзіўся 1 студзеня 1937(1937-01-01)
Памёр 20 лістапада 1996(1996-11-20) (59 гадоў)
Бацькі Павел Міхайлавіч Сушко[d]
Літаратурная дзейнасьць
Род дзейнасьці перакладнік, паэт
Мова беларуская мова

ЖыцьцяпісРэдагаваць

Працаваў у Мёрскай раённай газэце (1966–1968), карэспандэнтам газэты “Віцебскі рабочы” (1968–69). Пераехаў у Менск, быў літсупрацоўнікам газэты “На страже Октября” (1969–70), “Звязда” (1970–73), часопісу “Вожык” (1973–77). У 1977–80 гадах быў рэдактарам аддзелу літаратуры часопісу “Вожык”, у 1980–87 гадах — адказным сакратаром штотыднёвіка “Літаратура і мастацтва”. З 1989 году працаваў старшым рэдактарам у выдавецтве “Полымя”.

ТворчасьцьРэдагаваць

Друкавацца пачаў у 1954 годзе ў Мёрскай раённай газэце «Зара камунізму» (верш «Цёплы дожджык»). Аўтар зборнікаў сатырычных і гумарыстычных вершаў, баек, мініяцюраў, вершаваных фэльетонаў, пародый і эпіграм: «Ганарлівы сучок» (1975), «Восьці напагатоў» (1978), «Парнаская кузьня» (1981).

Яго кніга «Паэтычнае веча» — першы ў беларускай літаратуры вянок парадыйных санэтаў, якія вызначаюцца глыбокім філязофскім зьместам. Плённа працаваў і ў лірыцы. Яго зборнік «Пратокі» (1976) і вянок санэтаў «Зямля гаючых траў» вызначаюцца глыбінёй пачуцэцяў, узнёсласэцю думак, арыгінальнасэцю вобразаў. Для дзяцей пісаў зборнікі «Вясёлы Бай» (1980), «Чмялёва гушкалка» (1986), «Ехаў кот у лес па дровы» (1990). Напісаў жартоўныя варыяцыі на фальклорных тэмы «Касіў Ясь канюшыну» (1976), вянок гумарыстычных актаў «Роздум ля Парнаса» (1983, пад псэўд. Кірша Рымар).

ПамяцьРэдагаваць

  • У 2000 годзе на будынку Мёрскай сярэдняй школы №1 усталявана мэмарыяльная дошка.

КрыніцыРэдагаваць

ЛітаратураРэдагаваць

  • Сушко Пятро // Беларуская энцыкляпедыя : у 18 т. / рэдкал. Г.П. Пашкоў [і інш.]. — Мн., 1996. — Т. 15. — С. 300.
  • Сушко Пятро // Беларускія пісьменьнікі : біябібліяграфічны слоўнік : у 6 т. / пад рэд. А.В. Мальдзіса. — Мн., 1995. — Т. 5. — С.454.