Прэмія імя Карласа Шэрмана

Прэмія імя Карласа Шэрмана — штогадовая літаратурная прэмія Беларускага ПЭН-цэнтру, Саюзу беларускіх пісьменьнікаў і дабрачыннага Фонду «Вяртаньне». Заснаваная ў 2016 годзе. Надаецца за найлепшы пераклад мастацкай кнігі на беларускую мову.

Мэты прэміі

• вызначэньне найлепшых перакладаў кніг на беларускую мову;
• падтрымка школы мастацкага перакладу ў Беларусі;
• ушанаваньне памяці выдатнага літаратурнага перакладчыка Карласа Шэрмана.

Умовы

Прэмія прысуджаецца за мастацкую кнігу, перакладзеную на беларускую мову і выдадзеную ўпершыню ў папяровым ці электронным выглядзе ў годзе, што папярэднічае году намінацыі на гэтую прэмію. Выдадзенай упершыню лічыцца кніга, больш за 50% зьместу якой надрукавана ўпершыню. Кніга, якая намінуецца на конкурс, павінна быць выдадзеная ў папяровым або электронным варыянце паміж 1 студзеня і 31 сьнежня каляндарнага году, за які быў абвешчаны конкурс.

Этапы конкурсу

Конкурс Прэміі складаецца з наступных этапаў:

• Першы этап: прыём заявак і кніг Аргкамітэтам на конкурс;
• Другі этап: публічнае абвяшчэньне Поўнага сьпісу кніг, прынятых да ўдзелу ў конкурсе;
• Трэці этап: публічнае абвяшчэньне Кароткага сьпісу кніг-фіналістаў конкурсу;
• Чацьвёрты этап: абвяшчэньне і ўрачыстая цырымонія ўзнагароджаньня ляўрэата/ляўрэатаў Прэміі.

Пераможцы

• 2016 — Якуб Лапатка, пераклад карэла-фінскага эпасу «Калевала»
• 2017 — Андрэй Хадановіч, пераклад кнігі вершаў Шарля Бадлера
• 2018 — Вера Бурлак, пераклад кнігі Льюіса Кэрала «Скрозь люстэрка, і што ўбачыла там Аліса»
• 2019:
  • Пераклад прозы: Сяргей Шупа — Мойшэ Кульбак «Панядзелак» (пераклад з ідышу)
  • Пераклад паэзіі: Антон Францішак Брыль — Марк Валерый Марцыял «Выбраныя вершы» (пераклад з лацінскай мовы)
  • Пераклад дзіцячай кнігі: Надзея Кандрусевіч — Юя Вісландэр «Ёрдзіс» (пераклад са швэдзкай мовы)

Вонкавыя спасылкі

• Прэмія імя Карласа Шэрмана
• Статут прэміі імя Карласа Шэрмана