Пена дзён

«Пе́на дзён» (па-француску: L’Écume des Jours) — найзнакаміцейшы з раманаў францускага пісьменьніка Барыса Віяна, апублікаваны ў 1947 року. Займае дзясятае месца ў сьпісе «100 кніг стагодзьдзя па вэрсіі Le Monde».

Пена дзён
L’Écume des Jours
Жанр:	раман
Аўтар:	Барыс Віян
Мова арыгіналу:	француская
Публікацыя:	1947
Выдавецтва:	Éditions Gallimard

Сюжэт

Галоўны герой, Кален — малады багаты мужчына, мае служку Нікаляса, а таксама цікавы прыстрой — «піянактэйль» (піяніна, якое пры націсканьні клявішы вырабляе напой). Кален сустракае Хлою, і неўзабаве яны жэняцца. Пазьней ён дорыць чацьвярціну маёнтку сваім знаёмым Чыку і Алісе, дзякуючы чаму тыя таксама могуць ажаніцца.

У рамане зьяўляецца другасны сатырычны пэрсанаж Жан-Соль Партр, што парадуе філёзафа Ж.-П. Сартра. Прысутнічаюць таксама спасылкі на розныя працы Сартра, таксама са зьмененымі назвамі, напрыклад, «Млоснасьць» ператварылася ў «Блявоцьце».

Экранізацыі

• У 1968 па рамане быў зьняты фільм францускага рэжысэра Шарля Бяльмона. У ролі Калена здымаўся актор Жак Перэн.
• У 2001 па матывах раману японскі рэжысэр Го Рыдзю зьняў фільм «Хлоя». Галоўныя ролі сыгралі Нагасе Масатосі і Сінода Набору.
• У красавіку 2013 на экраны выйшаў фільм Мішэля Гандры. Ролю Хлоі выканала Адры Тату, ролю Калена — Рамэн Дзюрыс.

Глядзіце таксама

• Сьпіс 100 кнігаў стагодзьдзя паводле вэрсіі Le Monde