Папулізм

Папулі́зм (па-француску: populisme ад лац. populus — народ) — від, форма, стыль, мэтад палітычнай дзейнасьці, уласьцівы як асобным палітыкам, гэтак і розным грамадзкім плыням і рухам, якія апэлююць да шырокіх масаў і адлюстроўваюць супярэчнасьці масавай сьвядомасьці.

Міжнародны рух, які займае рыторыку "99%" (народ) супраць "1%" (эліты), быў прыкладам папулісцкага грамадзкага руху.

Як вызначана з Нолан-дыяграмы, папулізм (і таталітарызм) разьмешчаны ўнізе зьлева.

Мультфільм 1896 году, у якім Ўільям Джэнінгз Браян, заўзяты прыхільнік папулізму, глытаў сымбаль Дэмакратычнай партыі Амэрыкі.

Асноўныя ідэі папулізму

• Прамы ўдзел народу ў кіраваньні («прамая дэмакратыя»);
• Аўтарытэтны лідэр;
• Недавер да прадстаўнічых дзяржаўных інстытутаў;
• Агульная крытыка бюракратыі, карупцыі.

Папулісты найчасьцей выкарыстоўваюць наіўную веру масы ў магчымасьць найпрасьцейшым і найхутчэйшым чынам вырашыць сацыяльныя ці нацыянальныя праблемы, антыінтэлектуалізм і іншыя. Папулізм можа быць дэмакратычны, кансэрватыўны, рэакцыйны. У паліталёгіі ён існуе ў шырокім спэктры — ад апалягетыкі ў якасьці мадэлі «непасрэднай» дэмакратыі да рэзкай крытыкі і атаясамленьня з дэмагогіяй.

Глядзіце таксама

• Argumentum ad populum
• культ асобы

Літаратура

• Чалавек і грамадства: Энцыклапедычны даведнік. Менск: Беларуская Энцыклапедыя, 1998. ISBN 985-11-0108-7