Палацава-паркавы комплекс Тарасовічаў (Гнезна)

Помнік грамадзянскай архітэктуры
Палацава-паркавы комплекс Тарасовічаў
Палац Тарасовічаў
Краіна	Беларусь
Вёска	Гнезна
Каардынаты	53°07′16.20″ пн. ш. 24°21′29.65″ у. д.
Аўтар праекту	Аляксандр Градэцкі[d]
Палацава-паркавы комплекс Тарасовічаў на мапе Беларусі Палацава-паркавы комплекс Тарасовічаў

Палацава-паркавы комплекс Тарасовічаў — помнік архітэктуры і садова-паркавага мастацтва XIX ст. у Гнезьне. Знаходзіцца на ўсходняй ускраіне колішняга мястэчка, на беразе ракі Нятупы. Твор архітэктуры клясыцызму.

Комплекс складаецца з палаца, афіцынаў, гаспадарчых пабудоваў, брамы і парку.

Гісторыя

Палац, да 1915 г.

У 1817 годзе маёнтак Гнезна перайшоў да Тарасовічаў, якія каля 1835 году збудавалі тут мураваны палац. У 1937 годзе маёнтак набылі Сташэўскія.

Архітэктура

Палац — помнік архітэктуры клясыцызму. Гэта прастакутны ў пляне будынак з портыкам. Яго партэрную частку ўтвараюць 4-баковыя апоры, злучаныя паміж сабой аркамі. Верхняя частка портыка ўтварае тэрасу, замкнёную з бакоў трыма аркамі, зь дзьвюма калёнамі ў франтальнай частцы, што падтрымліваюць трыкутны франтон. З боку парку знаходзіцца тэраса з балюстрадай.

Перад палацам, з абодвух бакоў знаходзяцца дзьве афіцыны. Захаваліся гаспадарчыя пабудовы: лядоўня ў стылі нэаготыкі, накрытая 4-схільным дахам, а таксама падоўжаны ў пляне будынак стайні з паўкруглай уяздной брамай. Пры ўезьдзе ў сядзібу захаваліся слупы брамы.

Парк

Палац атачаецца пэйзажным паркам з сыстэмай сажалак, злучаных з ракой.

Галерэя

• Сучасныя здымкі
• 
  Агульны выгляд
• 
  Палац
• 
  Гаспадарчая пабудова

Літаратура

• Aftanazy R. Dzieje rezydencji na dawnych kresach Rzeczypospolitej. Cz. 1 [Wielkie Księstwo Litewskie, Inflanty, Kurlandia]. T. 2, Województwa brzesko-litewskie, nowogródzkie. — Wrocław: Zakład Narodowy im. Ossolińskich, 1992.

Вонкавыя спасылкі

• Палацава-паркавы комлекс Тарасовічаў у Грозаве, Radzima.org