Ніка Саматракійская

Ніка Саматракійская (II ст. да н. э.) — старажытнагрэцкая мармуровая скульптура багіні Нікі, знойдзеная на востраве Саматракі на тэрыторыі сьвяцілішча кабіраў у красавіку 1863 году францускім консулам і археолягам-аматарам Шарлем Шампуазо. У тым жа годзе яна была адпраўлена ў Францыю.

Ніка Саматракійская, каля 190 да н. э.

Мармур. Вышыня: 3,28 м

Люўр, Парыж

Статую вырабілі жыхары вострава Родас у памяць аб перамозе, здабытай імі над флётам сырыйскага цара. Яна стаяла на стромкай скале па-над морам, яе пастамэнт які адлюстроўваў нос баявога карабля. Магутная і велічная Ніка ў якой ад ветра разьвяваецца адзежа прадстаўлена ў нястрымным руху наперад. Скрозь тонкі празрысты хітон бачна выдатныя целаскалд, які ўражвае гледача плястыкай пругкага і моцнага цела. Упэўнены крок багіні і ганарлівы ўзмах арліных крылаў нараджаюць пачуцьцё радаснай перамогі.

У наш час Ніка Саматракійская знаходзіцца на лесьвіцы Дару галерэі Дэнон у Люўры. Код: Ma 2369.

Статуя зроблена з парыйскага мармуру, карабель — з шэрага ларційскага мармуру (Родас), правае крыло — гіпсавая рэканструкцыя. Галава і рукі статуі адсутнічаюць.

Вонкавыя спасылкі

• «Ніка Саматракійская» (фр.) у базе зьвестак Люўру
• Ніка Саматракійская
• Апісаньне статуі