Нонсэнс

Гэты артыкул аб філязофскім і філялягічным тэрміне «нонсэнс». Аб біялягічным тэрміне гл. Нонсэнс (біялёгія).

Нонсэнс (па-ангельску: nonsense, па-лацінску: non — няма і па-лацінску: sensus — сэнс) — выказваньне (радзей — дзеяньне), пазбаўленае сэнсу або самаадсутнасьць сэнсу, бяссэнсіца. Разнавіднасьць алягізму або лягічнай памылкі. Тэрмін «нонсэнс» вельмі блізкі па сэнсе да тэрміна абсурд (недарэчнасьць, нязгоднасьць).

Паколькі лягічна бессэнсоўныя выказваньні (напрыклад, самасупярэчнасьць або іншая лягічная памылка) робяць вызначаны эстэтычны эфэкт, нонсэнс выкарыстоўваецца ў мастацтве (напрыклад, ён зьяўляецца асновай рытарычнай постаці аксюмарону). У ангельскай літаратуры існуе цэлы мастацкі кірунак, які эксплюатуе гэта прыём — літаратура нонсэнсу. Да яе прыналежылі Эдуард Лір і Льюіс Кэрал. Да твораў першага адносяць «Кнігу нонсэнсу» (1846), якая ўтрымоўвае лімэрыкі.

У сучаснай філязофіі (у постмадэрнісцкім яе варыянце) тэрмін пераасэнсоўваецца: нонсэнс ёсьць поўная адсутнасьць назаўжды зададзенага сэнсу. Менавіта таму ён зьяўляецца ўмовай магчымасьці сэмантычнага руху як такога (гэта значыць стварэньні сэнсу).

Глядзіце таксама

• Генэратар тэксту

Літаратура

• Логіка выказванняў: вучэбны дапаможнік / Гарбузаў, Віктар Мікалаевіч; Немец, Уладзімер Сьцяпанавіч; ГрДУ імя Я. Купалы. — Гродна: ГрДУ, 1997. — 44 с.
• Матэматыка: вучэб.-мэтад. дапам. У 2 ч. Ч. 1 — 2-е выд., перапрац. / Баранцэвіч, Канстанцін Зянонавіч; Пакала, Аляксандар Анатольевіч. — Мн., БДПУ, 2005. — 176 с.
• Матэматыка: вучэб.-мэтад. дапам. У 2 ч. Ч. 1. / Баранцэвіч, Канстанцін Зянонавіч; Пакала, Аляксандар Анатольевіч. — Мн., 1996.
• Кантрольная праца па матэматыцы / Баранцэвіч, Канстанцін Зянонавіч; Пакала, Аляксандар Анатольевіч. — Мн., 1993.
• Геаметрыя 7 — 11. / Пагарэлаў А. — Мн., 1991.
• Задачнік-практыкум па матэматыцы / Пакала А. А. — Мн., 1994.
• Асновы пачатковага курса матэматыкі / Стойлава Л. П., Пышкала А. М.— Мн., 1990.