Нацыянальны мультыпрадметны тэст

Нацыянальны мультыпрадметны тэст, НМТ (па-ўкраінску: Національний мультипредметний тест) — форма правядзеньня ўступнага іспыту на бакаляўрыят для атрыманьня вышэйшай адукацыі ва Ўкраіне, уведзеная ў 2022 годзе (разам з магістарскім комплексным тэстам(uk) (МКТ) і магістарскім тэстам вучэбнай кампэтэнтнасьці(uk) (МТВК)) праз поўнамаштабнае расейскае ўварваньне ва Ўкраіну. Прызвана часова ў 2022—2025 гадах замяніць традыцыйныя ўступныя іспыты ў фармаце ВНА. Гэты працэс суправаджаў нечаканы скандал летам 2022 году, калі бацькі вучняў у сацьсетках пачалі зьвяртаць увагу на тое, што пытаньні па тэставаньні розных сэсыяў паўтараюцца, а на зыходзе асноўнай сэсыі ў інтэрнэце ўжо даступны адказы на ўсе магчымыя пытаньні. Зрэшты, ва Ўкраінскім цэнтры ацэньваньня якасьці адукацыі адзначылі, што статыстыка гэтае меркаваньне не пацьвярджае, бо на ВНА заўсёды можна было сустракаць пытаньні з папярэдніх гадоў.

Глядзіце таксама

• Вонкавае незалежнае ацэньваньне (ВНА)
• Дзяржаўная выніковая атэстацыя (ДВА)
• Адзіны ўступны іспыт (АЎІ)
• Адзінае прафэсыйнае ўступнае выпрабаваньне (АПЎВ)
• Адзіны дзяржаўны кваліфікацыйны іспыт (АДКІ)